କଳାପଥର ( ଆୱାଜ ମିଡ଼ିଆ ) – ଗଙ୍ଗାଧର ସାହୁ : ଅଯୋଧ୍ୟାରେ ନିର୍ମାଣ ହେବ ଶ୍ରୀରାମ ମନ୍ଦିର . ଦେଶର କୋଣ ଅନୁକୋଣରୁ ଶ୍ରଦ୍ଧାଳୁମାନେ ମନ୍ଦିର ନିର୍ମାଣ ପାଇଁ ଦାନ କରୁଛନ୍ତି . ଏହି କ୍ରମରେ ପଶ୍ଚିମ ବାଙ୍କୀ କଳାପଥର ଅଞ୍ଚଳରେ ଭକ୍ତମାନେ ଭବ୍ୟ ଶୋଭାଯାତ୍ରାର ଆୟୋଜନ କରି ଦାନ ରାଶି ସଂଗ୍ରହ କରିଥିଲେ . ସ୍ଥାନୀୟ ଶ୍ରଦ୍ଧାଳୁ ନିମାଇଁ ଗୁରୁଜୀଙ୍କ ଆବାହକତ୍ୱରେ କଳାପଥର , ମଧୁଆପାଲ୍ଲୀ , ଲୁହଗୋଡ଼ି , ପର୍ଶୁରାମପୁର , ଲେମ୍ବେରୀ , କଦମ୍ବପାଟଣା ଗ୍ରାମରେ ରମଭକ୍ତ ମାନେ ହରିବୋଲ ହୁଳହୁଳି ଧ୍ୱନି ଦେଇ ଶୋଭାଯାତ୍ରା କରି ଭକ୍ତ ମାନଙ୍କ ଠାରୁ ନିଧି ସଂଗ୍ରହ କରିଥିଲେ . ଗାଁ ଦାଣ୍ଡରେ ମହିଳାମାନେ ଝୋଟି ପକାଇ, ଦୀପ ଜାଳି ସଂକୀର୍ତ୍ତନକୁ ସ୍ୱାଗତ କରିବାର ଦେଖା ଯାଇଥିଲା . ସ୍ଥାନୀୟ ତିନିଗୋଟି ମହିଳା ସଂକୀର୍ତ୍ତନ ମଣ୍ଡଳୀ କାର୍ଯ୍ୟକ୍ରମରେ ସାମିଲ ହୋଇଥିଲେ .
