ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଟାଉନ ହଲ ଠାରେ କରୋନା ଟୀକାକରଣର ଦ୍ୱିତୀୟ ପର୍ଯ୍ୟାୟ ତଥା କରୋନା ଲଢ଼େଇର ସମ୍ମୁଖ ଯୋଦ୍ଧା ମାନଙ୍କୁ କୋଭିଡ଼-19 ଟୀକାକରଣର ଜିଲ୍ଲା ସ୍ତରୀୟ ଶୁଭାରମ୍ଭ ହୋଇ ଯାଇଛି ।
ଏହି କାର୍ଯ୍ୟକ୍ରମକୁ ଜିଲ୍ଲାପାଳ ଅନୁପମ ସାହା ଏବଂ ଆରକ୍ଷୀ ଅଧିକ୍ଷକ ତପନ କୁମାର ପଟ୍ଟନାୟକ ମିଳିତ ଭାବେ ଶୁଭାରମ୍ଭ କରି ଥିଲେ । ପ୍ରଥମେ କୋଭିଡ଼ ଯୋଦ୍ଧା ମାନଙ୍କ ମଧ୍ୟରୁ ଗଜପତି ଏସପି ତପନ କୁମାର ପଟ୍ଟନାୟକ ଓ ଉପ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା କୋଭିଡ଼ ଟୀକା ନେଇଥିଲେ । 175 ଜଣ ସମ୍ମୁଖ ଯୋଦ୍ଧା କୋଭିଡ଼ ଟୀକା ନେଇଥିବା ର ଜଣାଯାଇଛି ।
ଏହି ଦ୍ୱିତୀୟ ପର୍ଯ୍ୟାୟ ଟୀକାକରଣରେ ଅତିରିକ୍ତ ଏସପି ସୀତାରାମ ଶତପଥୀ, ଅତିରିକ୍ତ ଜିଲ୍ଲାପାଳ ଶେଷଦେବ ମିଶ୍ର, ପି.ଆଇ.ଟି.ଡି.ଏ ସରୋଜ କୁମାର ବେହେରା, ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଅଶୋକ କୁମାର ରାଉତ , ଗ୍ରାମ୍ୟ ଉନ୍ନୟନ ପ୍ରଶାସକ ମହେଶ ଚୌଧୁରୀଙ୍କ ସମେତ ବହୁ ଜିଲ୍ଲା ସ୍ତରୀୟ ପ୍ରଶାସନିକ ଓ ପୋଲିସ ଅଧିକାରୀ କର୍ମଚାରୀ ମାନେ ଟୀକା ନେଇଥିଲେ ।
