ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ରଣପୁର ମଣିନାଗ ପ୍ରାଙ୍ଗଣରେ ଗୋପାଳପୁର ହାଇସ୍କୁଲ ଓ ବାଳିକା ହାଇସ୍କୁଲ ୧୯୯୦ ମସିହା ମାଟ୍ରିକ ବ୍ୟାଚ୍ ର “ବନ୍ଧୁ ମିଳନ ଉତ୍ସବ ” ଅନୁଷ୍ଠିତ ହୋଇଯାଇଛି । ଏଥିରେ ୪୭ ବନ୍ଧୁ ସହ ପରିବାରରେ ଏକତ୍ରିତ ହୋଇଥିଲେ ପ୍ରାରମ୍ଭରେ ମା ମଣିନାଗଙ୍କ ପୀଠରେ ପୂଜାର୍ଚନା କାର୍ଯ୍ୟ ସମାପନ ପରେ ଅତୀତ ର ସ୍ମୃତି ଚାରଣ କରାଯାଇଥିଲା l ବନ୍ଧୁ ଦାଶରଥି ପ୍ରଧାନ ଙ୍କ ଅକାଳ ବିୟୋଗ ଓ କେତେକ ଶିକ୍ଷକ ଙ୍କ ବିୟୋଗ ରେ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା । ସଞ୍ଜୟ କୁମାର ଦାସ ଓ ଅକ୍ଷୟ ପ୍ରଧାନ ମଞ୍ଚ ପରିଚାଳନା କରିଥିଲେ । ନମିତା ସ୍ୱାଇଁ , ଝରଣା ମିଶ୍ର , ସୁଷମା ଜେନା ଓ ସୁରତ ନଳିନୀ ପ୍ରଧାନ କାର୍ଯ୍ୟକ୍ରମ ର ତଦାରଖ କରୁଥିଲେ । ଲୋକନାଥ ମହାରଣା ,ପ୍ରଦୀପ ନାୟକ, ଅରୁଣ ପଲେଇ, ପ୍ରଭାକର ପ୍ରଧାନ ,ପର୍ଶୁରାମ ଭଞ୍ଜ ଇତ୍ୟାଦି ଙ୍କ ସହଯୋଗରେ ସୁଚାରୁ ରୂପେ ସମ୍ପାଦିତ ହୋଇଥିଲା । ନୀଳମଣି ପରିମଙ୍କ କୃଷ୍ଣ ସୁଦମା ଉପାଖ୍ୟାନ ସମସ୍ତଙ୍କ ମନକୁ ଆନ୍ଦୋଳିତ କରିଥିଲା । ରଣପୁର ଅଞ୍ଚଳ ର ପ୍ରତିଷ୍ଠିତ ଧୁଡୁକି କଳାକାର ପୂର୍ଣ୍ଣଚନ୍ଦ୍ର ସମସ୍ତ ସାଙ୍ଗ ମାନଙ୍କ ମଧ୍ୟରେ ଗାହାଣ କବିତା ଧୁଡ଼ୁକି ବାଦ୍ୟ ମାଧ୍ୟମରେ ପରିବେଷଣ କରିଥିଲେ । ମନୋରଞଜନ ଦଳେଇ ରାକେଶ ମିଶ୍ର ଆଗାମୀ କାର୍ଯ୍ୟକ୍ରମ ପାଇଁ ବିଭିନ୍ନ ଯୋଜନା ର ରୂପରେଖ ପ୍ରଦାନ କରିଥିଲେ । ଧିରେନ୍ ସାହୁ ଉକ୍ତ କାର୍ଯକ୍ରମରେ ସଫଳତାରେ ଆସି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
