କଣିହାଁ ( ଆୱାଜ ମିଡ଼ିଆ ) ଅଶ୍ୱିନୀ କୁମାର ଦେବତା : ଅନୁଗୋଳ ଜିଲ୍ଲା ପାଲଲହଡା ନିର୍ବାଚନ ମଣ୍ଡଳୀର ସମଲ ଉଚ୍ଚ ବିଦ୍ୟାଳୟ ଠାରେ ଜୀବନ ବିନ୍ଦୁ ଓ ଓଡିଶା – ମୋ ପରିବାର ଆନୁକୁଲ୍ୟରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ୫୩ ୟୁନିଟ୍ ରକ୍ତ ସଂଗୃହିତ ହୋଇଥିଲା | ଆୟୋଜିତ ରକ୍ତଦାନ ଶିବିରରେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ ପାଲଲହଡା ମୁକେଶ କୁମାର ପାଲ ଯୋଗଦାନ କରି ଏହି ଶିବିରକୁ ଉଦଘାଟନ କରିଥିଲେ | ସମ୍ମାନୀତ ଅତିଥି ଭାବେ ବିଜୁ ଯୁବ ଜନତା ଦଳ ର ଜିଲ୍ଲା ସଭାପତି ଶ୍ରୀଯୁକ୍ତ ଦିନେଶ ପ୍ରଧାନ, ବ୍ଲକ ସଭାପତି ଗଗନ ରାଉତ, କୈଳାସ ଚନ୍ଦ୍ର ସାହୁ, ସମଲ ପଞ୍ଚାୟତ ସଭାପତି କୁବେର ସାହୁ, ସମିତି ସଭ୍ୟା ଜ୍ୟୋସ୍ନା ସାହୁ, କୁଲେଇ ସମିତି ସଭ୍ୟା ରୀନାରାଣୀ ସାହୁ ପ୍ରମୁଖ ଉପସ୍ଥିତ ଥିଲେ | ବିଜୁ ଯୁବ ଜନତା ଦଳ ର କଣିଁହା ବ୍ଲକ କାର୍ଯ୍ୟକାରୀ ସଭାପତି ରାମକୃଷ୍ଣ ପ୍ରଧାନ ଓ ଜିଲ୍ଲା ସମ୍ପାଦକ ପ୍ରଦୀପ କୁମାର ସାମଲଙ୍କ ତତ୍ତ୍ୱାବଧାନରେ ଏହି ରକ୍ତଦାନ ଶିବିର ଆୟୋଜିତ ହୋଇଥିଲା | ଶିବିରକୁ କଣିହାଁ ବ୍ଲକ ବିଜେଡି ଯୁବ ସଂପାଦକ ଅଶ୍ୱିନି କୁମାର ଦେବତା, ମଣ୍ଟୁ ମହାନ୍ତି, ରଣଜିତ ନାଏକ, ସନ୍ତୋଷ ନାଏକ, ଅମିତ୍ ବେହେରା, ଇନ୍ଦ୍ରଜିତ ସାହୁ, ସୁଧାଂଶୁ ଭୁକ୍ତା, ସୁମନ ବେହେରା ପରିଚାଳନା କରିଥିଲେ । ଏଥିରେ ଓପିସିଏଲ୍ ର କର୍ମଚାରୀ ସୂର୍ଯ୍ୟକାନ୍ତ ବିଶି ପୂର୍ଣ୍ଣ ମାତ୍ରାରେ ସହଯୋଗ ଓ ତଦାରଖ କରୁଥିଲେ ।
