ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ହୋଲି ରେ ଘଟିଲା ଅଘଟଣ . ଯାଜପୁର ଜିଲ୍ଲାର ଦୁଇଟି ସ୍ଥାନରେ ଦୁର୍ଘଟଣା ଘଟି ପାଞ୍ଚ ଜଣ ଆହତ ହୋଇଛନ୍ତି . ଅଶୋକଝର ମୁଖ୍ୟ ରାସ୍ତାରେ ଅଟୋ ଓଲଟି ଚାରି ଜଣ ଗୁରୁତର ହୋଇଥିବା ସମୟରେ ସୁକିନ୍ଦା ନାକପୋଲ ବୁଲାଣି ଠାରେ ବାଇକ ଦୁର୍ଘଟଣା ବାଇକ ଆରୋହୀ ଆହତ ହୋଇ ଚିକିତ୍ସିତ ହେଉଛନ୍ତି .
ସୁକିନ୍ଦା ଥାନା ଅନ୍ତର୍ଗତ ସିଙ୍ଗାଡିଆ ଗ୍ରାମ ନିକଟରେ ଘଟିଛି ଦୁର୍ଘଟଣା , ସୂଚନା ଅନୁଯାୟୀ ଅଶୋକଝର ଆଡୁ ଏକ ଡାଲା ଅଟୋ ସୁକିନ୍ଦା ଅଭିମୁଖେ ଆସୁଥିବା ବେଳେ ଭାରସାମ୍ୟ ହରାଇ ସିଙ୍ଗାଡ଼ିଆ ନିକଟ ରେ ଅଟୋ ଟି ରାସ୍ତା ଉପରେ ଓଲଟି ଯାଇଥିଲା , ଯାହା ଫଳରେ ଅଟୋ ଚାଳକଙ୍କ ସମେତ ଅଟୋ ଡାଲାରେ ବସିଥିବା ଅନ୍ୟ ତିନି ଜଣ ଗୁରୁତର ଆହତ ହୋଇଥିଲେ . ସ୍ଥାନୀୟ ଲୋକଙ୍କ ସହାୟତାରେ ଆହତ ବ୍ୟକ୍ତି ମାନଙ୍କୁ ଉଦ୍ଧାର କରାଯାଇ 108 ଆମ୍ବୁଲାନ୍ସ ଯୋଗେ ସୁକିନ୍ଦା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଚିକିତ୍ସା ପାଇଁ ପଠାଯାଇଥିଲା . ତେବେ ଗୁରୁତର ଅବସ୍ଥାରେ ଘଟଣାସ୍ଥଳରୁ ଅଟୋ ଡ୍ରାଇଭର ଫେରାର ହୋଇ ଯାଇଥିବା ସୂଚନା ମିଳିଛି ।
ସେହିପରି ସୁକିନ୍ଦା ନାକପୋଲ ବୁଲାଣି ଠାରେ ବାଇକ ଦୁର୍ଘଟଣା ରେ ବାଇକ ଆରୋହୀ ଆହତ ହୋଇ ସୁକିନ୍ଦା ମେଡିକାଲରେ ଭର୍ତ୍ତି ହୋଇଛନ୍ତି । ସୂଚନା ଅନୁଯାୟୀ ଦିନ ପ୍ରାୟ 3 ଘଟିକା ସମୟରେ ଜଣେ ବାଇକ ଆରୋହୀ ଅଶୋକଝର ଅଭିମୁଖେ ଯାଉଥିବା ସମୟରେ ସୁକିନ୍ଦା ବିରିଗଡା ପାଖ ନାକପୋଲ ପାଖ ବୁଲାଣି ଠାରେ ଭାରସାମ୍ୟ ହରାଇ ରାସ୍ତା ତଳକୁ ଖସି ପଡି ଆହତ ହୋଇଥିଲେ . ସ୍ଥାନୀୟ ଲୋକ ମାନଙ୍କର ସହାୟତାରେ ଆହତ ବ୍ୟକ୍ତିଙ୍କ ପରିବାର ସଦସ୍ୟ ଙ୍କୁ ଖବର ଦିଆଯିବା ସହିତ ଆହତ ବ୍ୟକ୍ତିଙ୍କୁ ସୁକିନ୍ଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
