ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହରରେ କୋଭିଡ କଟକଣା ଭିତରେ ପଣା ସଂକ୍ରାନ୍ତି ଓ ହନୁମାନ ଜୟନ୍ତୀ ପାଳିତ ହୋଇଯାଇଛି । ସହରର ବିଭିନ୍ନ ହନୁମାନ ମନ୍ଦିରରେ ଶ୍ରଦ୍ଧାଳୁ ମାନେ କୋଭିଡ଼ ଗାଇଡ ଲାଇନ ପାଳନ କରି ଠାକୁର ଦର୍ଶନ କରିଥିଲେ । ସହରର ବିଭିନ୍ନ ଛକ ଜାଗାରେ ଥିବା ହନୁମାନଙ୍କ ପ୍ରତିମୂର୍ତ୍ତି ନିକଟରେ ପୂଜାର୍ଚ୍ଚନା କରାଯାଇ ଥିଲା । ବିଭିନ୍ନ ହନୁମାନ ମନ୍ଦିରରେ ହନୁମାନ ଚାଲିସା ପାଠ, କୁମ୍ଭ ସ୍ଥାପନ , ମହାଦୀପ ଜଳାଇ ହୋମ ଯଜ୍ଞ ହୋଇ ପଣା ବଣ୍ଟନ କରାଯିବାର ଦେଖିବାକୁ ମିଳିଛି ।ସହରର ବିଭିନ୍ନ ମନ୍ଦିରରେ ପୋଲିସ ପ୍ରଶାସନ ପକ୍ଷରୁ ପୋଲିସ ମୁତୟନ କରାଯାଇଛି । ସହର ବାସୀ କୋଭିଡ଼ ନିୟମକୁ ମାନି ଶୃଙ୍ଖଳାର ସହିତ ପୂଜାର୍ଚ୍ଚନା କରିବା ସହ ଜିଲ୍ଲା ପ୍ରଶାସନକୁ ସହଯୋଗ କରୁଛନ୍ତି ।
