ଭୁବନେଶ୍ୱର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଫେରାର ହୋଇଥିବା ଦୁର୍ଦ୍ଦାନ୍ତ ଅପରାଧୀ ଶେଖ ହାଇଦର କୁ ଗିରଫ କରିବାରେ ସକ୍ଷମ ହୋଇଛି କମିଶନରେଟ ପୁଲିସ . ଶେଖ ହାଇଦର ଦୀର୍ଘ 16 ବର୍ଷ ଧରି ଜେଲରେ ଥିବା ବେଳେ, ଚିକିତ୍ସା ପାଇଁ କଟକ ବଡ ଡାକ୍ତରଖାନା କୁ ଆସିଥିଲା . ତେବେ ଚିକିତ୍ସିତ ହେଉଥିବା ବେଳେ ସୁରକ୍ଷା କର୍ମୀଙ୍କୁ ନିଶା ମିଶା ବିରିୟାନୀ ଖୁଆଇ ଫେରାର ହୋଇଥିଲା ହାଇଦର . ଫେରାର ହାଇଦର ର ଗତିବିଧିକୁ ନିରୀକ୍ଷଣ କରି ତାକୁ ସ୍କାନର ରେ ରଖିଥିଲା କଟକ ପୁଲିସ . ସୂଚନା ଅନୁଯାୟୀ ତେଲେଙ୍ଗାନା ର ରଙ୍ଗାରେଡ଼ି ଜିଲ୍ଲାରେ ଲୁଚି ରହିଥିବା ହାଇଦର କୁ ତେଲେଙ୍ଗାନା ପୁଲିସ ସହାୟତାରେ ଗିରଫ କରିବାରେ ସଫଳ ହୋଇଛି କଟକ ପୁଲିସ . ହାଇଦର ଗିରଫ ହେବା ସମ୍ପର୍କରେ ଗଣମାଧ୍ୟମକୁ ସୂଚନା ଦେଇଛନ୍ତି ପୁଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ .
