କଟକ ( ଆୱାଜ ମିଡ଼ିଆ ) – ପ୍ରିୟବ୍ରତ ପଟ୍ଟନାୟକ : କଟକ ସଦର ଅୟତପୁର ପଞ୍ଚାୟତର ଦାମୋଦରପୁର – ୨ ଉତ୍କଳମଣି ଗୋପବନ୍ଧୁ ସମାଜସେଵା ଗୋଷ୍ଠୀକେନ୍ଦ୍ରର ୯ତମ ପ୍ରତିଷ୍ଠା ଦିବସ ଓ ଡ଼ଃ.ଭିମରାଓ ଆମ୍ବେଦକରଙ୍କ ୧୩୦ତମ ଜୟନ୍ତୀ ସ୍ଥାନୀୟ ଦାମୋଦରପୁର-୨ ମୁସଲିମ ସାହିରେ ପାଳିତ ହୋଇଯାଇଛି . କାର୍ଯ୍ୟକ୍ରମ ଅବସରରେ ପତିତ ପାବନ ନାୟକଙ୍କ ସଭାପତିତ୍ୱରେ ଅମର ସହିଦଙ୍କ ସ୍ମୃତି ଉଦ୍ଦେଶ୍ୟରେ ନିରବ ପାର୍ଥନା କରାଯିବା ସହ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ଭାରତୀୟ ମଜଦୁର ସଂଘର ରାଜ୍ୟ ସାଧାରଣ ସମ୍ପାଦକ ବସନ୍ତ କୁମାର ସାହୁ, ମୁଖ୍ୟବକ୍ତା ଓଡ଼ିଶା ମଟର ଚାଳକ ସଙ୍ଘର ରାଜ୍ୟ ଉପ-ସଭାପତି ଶୁଭ ନାରାୟଣ ଆଚାର୍ଯ୍ୟ, ସମ୍ମାନୀତ ଅତିଥି ରୂପେ ସରସ୍ୱତୀ କଳା ପରିଷଦର ସମ୍ପାଦକ ନାଟ୍ୟକାର ଅଶୋକ ପଟ୍ଟନାୟକ, ଓଡ଼ିଶା ମଟର ଚାଳକସଙ୍ଘ ସମ୍ପାଦକ ଅର୍ଜ୍ଜୁନ ବେହେରା, ଯୁବ ସମାଜସେବୀ ପ୍ରଦୀପ୍ତ ମହାଳୀ, ଆଡଭୋକେଟ ଅଜୟ ମଲ୍ଲିକ ପ୍ରମୁଖ ଯୋଗଦାନ କରିଥିଲେ । ଗୋଷ୍ଠୀକେନ୍ଦ୍ର ପକ୍ଷରୁ ଉପଦେଷ୍ଟା ଦିଲ୍ଲୀପ ଦତ୍ତ, ଜଗନ୍ନାଥ ଦାସ, ନାରାୟଣ ଦାସ, ବିନାୟକ ବେହେରା, ସେକ ସୁରଜ ଅଲ୍ଲୀ, ଅବୁସ୍ୱାଲେର ସାରୁଖ ଖାଁ, ସଲିମ ଖାଁ, ଅଜହର ଖାଁ, ୟାକୁବ ଖାଁ, ସରାଉଦିନ ଖାଁ ଏବଂ ଗ୍ରାମବାସୀ ପ୍ରମୁଖ ଉପସ୍ଥିତ ଥିଲେ । ସମ୍ପାଦକ ମହମ୍ମଦ ଓସିଉଲ୍ଲା ଧନ୍ୟବାଦ ଅର୍ପଣ କରିବା ସହ ଗୋଷ୍ଠୀକେନ୍ଦ୍ର ନିମନ୍ତେ ନୂତନ ସଭ୍ୟ ମାନଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା ।
