ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳରେ ଆଜି ଶ୍ରୀରାମଙ୍କର ଜନ୍ମ ଉତ୍ସବ କୋଭିଡ କଟକଣା ମଧ୍ୟରେ ପାଳିତ ହୋଇଯାଇଛି । ଢେଙ୍କାନାଳର ବଳରାମ ମନ୍ଦିର ମଧ୍ୟରେ ଥିବା ରାମ ମନ୍ଦିର, ମହାବୀର ବଜାରରେ ଥିବା ରାମମନ୍ଦିର ଏବଂ ଢେଙ୍କାନାଳର ସଦର ବ୍ଲକ ଅନ୍ତର୍ଗତ ସପ୍ତଶଯ୍ୟା ଠାରେ ଥିବା ରାମ ମନ୍ଦିରରେ କରୋନା କଟକଣା ମଧ୍ୟରେ ରାମନବମୀ ପାଳିତ ହୋଇଯାଇଛି । ଦେବାଳୟ ପରିସରରେ ପ୍ରଭୁ ରାମଚନ୍ଦ୍ରଙ୍କୁ ଆଜି ମହାସ୍ନାନ କରାଯାଇ ପଞ୍ଚାମୃତ ଅଭିଷେକ କରାଯାଇଥିଲା । ନୂତନ ବସ୍ତ୍ର , ତୁଳସୀ ମାଳ, ଫୁଲ ହାର ପରିଧାନ କରାଯାଇ ବିଧି ମୁତାବକ ପୂଜାର୍ଚ୍ଚନା କରାଯିବ ସହ ଫଳ ଭୋଗ, ଧୂପ ଦୀପ କରାଯାଇ ମଧ୍ୟାହ୍ନ ରେ ହୋମ ଯଜ୍ଞା ଅନୁଷ୍ଠିତ ହୋଇଯାଇଛି । କରୋନା କଟକଣା ମଧ୍ୟରେ ଭକ୍ତ ଶୂନ୍ୟତାରେ ଏହି ଉତ୍ସବ ପାଳିତ ହୋଇଯାଇଛି ।
