!!! ଦବଦବା ଜାହିର ପାଇଁ ହେଉଛି ବ୍ଳାଙ୍କ ଫାୟାରିଂ !!!
ଖୋର୍ଦ୍ଧା ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଅପରାଧ ପ୍ରବଣ ହୋଇପଡିଛି ଖୋର୍ଦ୍ଧା – କଟକ ଜିଲ୍ଲାର ସୀମାନ୍ତ ଅଞ୍ଚଳ . ବୋଲଗଡ ଥାନା ଅନ୍ତର୍ଗତ ପାଟପୁର ପଞ୍ଚାୟତର ଖାରଡ଼ପଲ୍ଲୀ ଏବଂ ବୈଦେଶ୍ଵର ଥାନା ଅଧୀନ କଳାପଥର ପଞ୍ଚାୟତର କୃଷ୍ଣପଲ୍ଲୀ ଅଞ୍ଚଳରେ କିଛି ଅସାମାଜିକ ଯୁବକ ଚୋରା ବନ୍ଧୁକ ରଖି ବିଭିନ୍ନ ସମୟରେ ଲୋକଙ୍କୁ ଧମକ ଚମକ ଦେଉଥିବାର ଖବର ସାମନାକୁ ଆସିଛି . ଗତ ଦୁଇ ଦିନ ତଳେ ଖାରଡ଼ପଲ୍ଲୀ ଛକ ନିକଟରେ କୃଷ୍ଣପଲ୍ଲୀ ଗ୍ରାମର ଜନୈକ ବ୍ୟକ୍ତିଙ୍କୁ ବନ୍ଧୁକ ମୂନରେ ଭୟଭୀତ କରି ଲୁଟପାଟ କରିବା ସହିତ ପତିଆରା ଜାହିର ପାଇଁ ବ୍ଳାଙ୍କ ଫାୟାରିଂ ହୋଇଥିବାର ଅଭିଯୋଗ ହୋଇଛି . ତେବେ ଅଭିଯୋଗ ପାଇ ବୋଲଗଡ ପୁଲିସ ତଦନ୍ତ ଆରମ୍ଭ କରିଥିଲେ ବି , ଘଟଣାକୁ ଅତି ହାଲୁକା ଭାବରେ ଗ୍ରହଣ କରିଥିବାର ପ୍ରକାଶ କରିଛନ୍ତି ଅଭିଯୋଗକାରୀ . ସୂଚନା ଯୋଗ୍ୟ , କୋଦୁଅବେରେଣୀ – ଭାପୁର ବାଇପାସ ରାସ୍ତାରେ ଅନେକ ସମୟରେ ରାହାଜାନୀ ଘଟୁଥିବାର ଅଭିଯୋଗ ଆସୁଥିବାରୁ , ତଥା ଏବେ ଚୋରା ବନ୍ଧୁକ ଥିବା ଘଟଣା ପ୍ରଘଟ ହେବା ପରେ ପୁଲିସ ଘଟଣାକୁ ଗୁରୁତ୍ୱ ଦେଇ ତଦନ୍ତ କଲେ ଅନେକ ଅପରାଧର ଗୁମର ଖୋଲି ପାରନ୍ତା ବୋଲି ସ୍ଥାନୀୟ ଅଞ୍ଚଳରେ ଆଲୋଚନା ହେଉଛି .
