ତାଳଚେର ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : ମହାମାରୀ କରୋନା ସମଗ୍ର ଦେଶ ଓ ରାଜ୍ୟ ରେ ତାର କାୟା ବିସ୍ତାର କରି ଚାଲିଛି . ସଂକ୍ରମଣ ରୋକିବା ପାଇଁ ଏବେ ସବୁ କ୍ଷେତ୍ରରେ ସ୍ୱଚ୍ଛତା ଏବଂ ବିଶୋଧନକୁ ଦିଆ ଯାଉଛି ଗୁରୁତ୍ୱ . ଏପରି କଠିନ ଏବଂ ଆହ୍ୱାନ ପୂର୍ଣ୍ଣ ମୁହୂର୍ତ୍ତ ଦେଇ ଗତି କରୁଛି ମାନବ ସମାଜ । ମହାମାରୀ ମାନବୀୟ ସଙ୍କଟ ସୃଷ୍ଟି କରି ଆମ ଜୀବନ, ସ୍ୱାସ୍ଥ୍ୟ ପ୍ରତି ବଡ଼ ବିପଦ ଭାବେ ଉଭା ହୋଇଛି । ଅନୁଗୋଳ ଜିଲ୍ଲାରେ ମଧ୍ୟ କରୋନା ତା’ର କାୟା ବିସ୍ତାର କରିଛି । ଏଣୁ ଏହାକୁ ପ୍ରତିହତ କରିବା ପାଇଁ ତାଳଚେର ଉପଖଣ୍ଡ ଗୋଡିବନ୍ଧ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ରୋଗୀମାନଙ୍କ ସୁରକ୍ଷା ଦୃଷ୍ଟିରୁ ସାନିଟାଇଜ୍ କରାଯାଇଥିଲା । ତାଳଚେର ଫାୟାର ବ୍ରିଗେଡ ଟିମ୍ ଡାକ୍ତରଖାନା ପରିସରକୁ ସଂପୂର୍ଣ୍ଣ ବିଶୋଧାନ କରିଥିବା ସମୟରେ ଏହାର ପରିବେଶକୁ ସଫା ରଖିବା ପାଇଁ ପରାମର୍ଶ ଦେଇଥିଲେ । ସଂପୂର୍ଣ୍ଣ କାର୍ଯ୍ୟକ୍ରମ ଦିଗାମ୍ବର ମହନ୍ତ ଙ୍କ ନେତୃତ୍ୱରେ ପରିଚାଳିତ ହୋଇଥିଲା ।
