ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ବର୍ତ୍ତମାନ କରୋନା ଭଳି ବିପର୍ଯ୍ୟସ୍ଥ ସମୟରେ ରାଜ୍ୟ ତଥା ଦେଶରେ ରକ୍ତ ର ଘୋର ଅଭାବ ପରିଲକ୍ଷିତ ହେଉଥିବା ସମୟରେ ଢେଙ୍କାନାଳ ଜିଲ୍ଲା ସାମ୍ବାଦିକ ସଂଘ ଗ୍ରହଣ କରିଛି ଅଭିନବ ପଦକ୍ଷେପ । ଢେଙ୍କାନାଳ ଜିଲ୍ଳା ସାମ୍ବାଦିକ ସଂଘ ତରଫରୁ ଢେଙ୍କାନାଳ ମୁଖ୍ୟ ଚିକିତ୍ସାଳୟ ଠାରେ ଥିବା ରେଡ଼କ୍ରସ ରକ୍ତଭଣ୍ଡାର ରେ ରକ୍ତଦାନ ଶିବିର ଆୟୋଜନ କରାଯାଇ 31 ୟୁନିଟ ରକ୍ତ ସଂଗ୍ରହ କରାଯାଇଛି ।
ଏହି ରକ୍ତଦାନ କାର୍ଯ୍ୟକ୍ରମରେ ସମସ୍ତ ସାମ୍ବାଦିକ ଭାଇମାନେ ଯୋଗଦାନ କରି ରକ୍ତ ଦାନ କରିଥିଲେ । କରୋନା ସମୟରେ ରକ୍ତ ଅଭାବରୁ ଯେଭଳି ଭାବେ କେହି ସମସ୍ୟାରେ ନ ପଡନ୍ତି ସେଥିପାଇଁ ଢେଙ୍କାନାଳ ସାମ୍ବାଦିକ ସଂଘ ପ୍ରତିଶୃତି ବଦ୍ଧ । ଏଭଳି ପୁଣ୍ୟ କାମ ପାଇଁ ଢେଙ୍କାନାଳ ସାମ୍ବାଦିକ ସଂଘ କୁ ବୁଦ୍ଧିଜିବୀ ମହଲରେ ପ୍ରଶଂସା ମିଳିଛି ।
ଆଜିର ଏହି କାର୍ଯ୍ୟକ୍ରମରେ ସାମ୍ବାଦିକ ସଂଘର ସଭାପତି ପ୍ରସନ୍ନ ପଟ୍ଟନାୟକ, ସାଧାରଣ ସମ୍ପାଦକ ସତ୍ୟ ସ୍ୱରୂପ ଦାସ ଙ୍କ ସମେତ ସମସ୍ତ ସାମ୍ବାଦିକ ମାନେ ଉପସ୍ଥିତ ରହି ସ୍ୱେଚ୍ଛାକୃତ ଭାବେ ରକ୍ତ ଦାନ କରିଥିଲେ ।
