ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : କାଜୁ ଜଙ୍ଗଲରୁ ଉଦ୍ଧାର ହେଲା ନିଖୋଜ ମହିଳାଙ୍କ ମୃତଦେହ . ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ବଡ଼ବେରଣା ପଞ୍ଚାୟତ ଅନ୍ତର୍ଗତ ଗୋବିନ୍ଦପୁର ଗ୍ରାମର ମଧୁବନ କାଜୁ ଜଙ୍ଗଲରୁ ଜନୈକ ମହିଳାଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି । ଘଟଣାରୁ ପ୍ରକାଶ ଯେ ସଂପୃକ୍ତ ଗ୍ରାମର ମୁରଲୀଧର ସାହୁଙ୍କ ପତ୍ନୀ ତିଳତୋମା ସାହୁ ଗତ ଦୁଇ ଦିନ ତଳେ ନିଖୋଜ ହୋଇ ଯାଇଥିଲେ । ମହିଳା ନିଖୋଜ ହେବା ପରେ ପରିବାର ପକ୍ଷରୁ ଖୋଜାଖୋଜି ଆରମ୍ଭ କରିଥିଲେ । ଶେଷରେ ନିରୁପାୟ ହୋଇ ବେଗୁନିଆ ଥାନାରେ ଦୁଇ ଦିନ ତଳେ ଅଭିଯୋଗ କରିଥିଲେ । ଆଜି ସକାଳୁ ସ୍ଥାନୀୟ ଲୋକମାନେ କାଜୁ ଜଙ୍ଗଲରେ ମହିଳାଙ୍କ ଶବ ଝୁଲୁଥିବାର ବେଗୁନିଆ ଥାନାକୁ ଖବର ଦେଇଥିଲେ । ବେଗୁନିଆ ଥାନା ଅଧିକାରୀ ଲକ୍ଷ୍ମୀପ୍ରସାଦ ଶତପଥି ଓ ସାଇଟିଂଫିକ ଟିମ ଖବର ପାଇ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହିତ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ନିମନ୍ତେ ପଠାଇଛନ୍ତି । ତେବେ ମହିଳାଙ୍କ ନିଖୋଜ ଏବଂ ଶବ ଉଦ୍ଧାର ଘଟଣାର ଅଧିକ ତଦନ୍ତ ଜାରି ରଖିଛି ବେଗୁନିଆ ପୁଲିସ ।
