କଟକ ( ଆୱାଜ ମିଡ଼ିଆ ) – ପ୍ରିୟବ୍ରତ ପଟ୍ଟନାୟକ : ଗୋ ସେବାରେ ନିଜକୁ ନିୟୋଜିତ କରିଛନ୍ତି ଯୁବ ସମାଜିକ କର୍ମୀ ସୁଶାନ୍ତ ବେହେରା ।କରୋନା ଭଳି ଘଡିସନ୍ଧି ମୁହୂର୍ତ୍ତର ଲକ୍ ଡାଉନ ଓ ସଟ୍ ଡାଉନର କରାଳ ସମୟରେ ଗୋ ବଂଶଜଙ୍କ ଭୋକର କଷ୍ଟକୁ ହୃଦୟଙ୍ଗମ କରି ଗୋ ସେବାରେ ନିଜକୁ ନିୟୋଜିତ କରିଛନ୍ତି ସୁଶାନ୍ତ । ପେଷାରେ ଜଣେ ବ୍ୟବସାୟୀ କିନ୍ତୁ ନିଶାରେ ଜଣେ ସମାଜିକ କର୍ମୀ ।
ଲକ୍ ଡାଉନ ଓ ସଟ୍ ଡାଉନ ସମୟରେ ନିଜ ଅର୍ଥରେ ଗୋଦାନା କିଣି, ଗୋ ବଂଶଜଙ୍କ ଭୋକିଲା ପେଟକୁ ଖାଦ୍ୟ ଯୋଗାଇ ସମାଜ ପ୍ରତି ନିଜ କର୍ତ୍ତବ୍ୟ ଓ ଦାୟିତ୍ବ ପାଳନ କରୁଛନ୍ତି ସୁଶାନ୍ତ । କେବଳ ଏତିକି ନୁହେଁ, ନିଜେ ଗୋସେବା କରିବା ସହିତ ଯୁବପିଢ଼ି ମାନଙ୍କୁ ଗୋ ସେବା କରିବାକୁ ନିବେଦନ କରନ୍ତି କଟକ ଚାନ୍ଦିନୀଚୌକ ଅଞ୍ଚଳ ନିବାସୀ ସୁଶାନ୍ତ ବେହେରା । ସୁଶାନ୍ତ ବେହେରା ଜଣେ କଟର ହିନ୍ଦୁ ହେବା ସହିତ, ଜଣେ ଦକ୍ଷ ସଙ୍ଗଠକ ଓ ଯୁବନେତା ଭାବରେ କଟକ ଜିଲ୍ଲାରେ କାର୍ଯ୍ୟ ନିର୍ବାହ କରୁଛନ୍ତି ।
