କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ ମଲ୍ଲ : ଅଫିସ ଭିତରେ ମଦ୍ୟ ପାନ କରି ଅବକାରୀ ବିଭାଗର ସବ-ଇନ୍ସପେକ୍ଟର ନିଲମ୍ବିତ . କେନ୍ଦ୍ରାପଡା ଜିଲ୍ଲା ଅବକାରୀ ବିଭାଗର ସବ-ଇନ୍ସପେକ୍ଟର ସରୋଜ ବାଗଙ୍କ ମଦ ପିଆର ଭିଡ଼ିଓ ଓ ଫଟୋ ସାମାଜିକ ଗଣମାଧ୍ୟମ ରେ ଭାଇରାଲ ହେବା ପରେ ତାଙ୍କୁ ନିଲମ୍ବିତ କରାଯାଇଛି । ଟିକେ ଭଲ ଭାବରେ ନଜର ପକାନ୍ତୁ ଏହି ଦୃଶ୍ୟ ଉପରେ, ଡିଉଟି ସମୟରେ ପୁଣି ଅଫିସ ଭିତରେ ବେଧଡକ ଭାବେ ଟେବୁଲ ଉପରେ ଚାଲିଛି ମଦ୍ୟପାନ । ଜଣେ କାର୍ଯ୍ୟରତ ସରକାରୀ କର୍ମଚାରୀଙ୍କ ଏଭଳି କାର୍ଯ୍ୟ ନିଶ୍ଚିତ ଭାବେ ନିନ୍ଦନୀୟ । ଅଫିସ ଭିତରେ ଅନ୍ୟ ସବୁ କର୍ମଚାରୀ ଥିଲେ ମଧ୍ୟ ଶ୍ରୀ ବାଗ କିଭଳି ଖୁଲମଖୁଲା ମଦ୍ୟପାନ କଲେ ତାହା ଏବେ ସାଧାରଣ ରେ ପ୍ରଶ୍ନବାଚୀ ସୃଷ୍ଟି କରୁଥିବା ବେଳେ କମିଶନର ଆଶିଷ ସିଂଙ୍କ ପକ୍ଷରୁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଅନ୍ୟ ପକ୍ଷରେ ଶ୍ରୀ ବାଗ ମଦ୍ୟପାନ ଘଟଣା କୁ ଖଣ୍ଡନ କରି ଆପେ ଜୁଶ ପିଉଥିଲେ ବୋଲି ପ୍ରତିକ୍ରିୟା ରଖିଛନ୍ତି ।
