ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ବଜ୍ରକାପ୍ତା କାତି ସହ ୨ ଗିରଫ . ଢେଙ୍କାନାଳ ବନ ବିଭାଗ ଏବଂ ବନ୍ୟପ୍ରାଣୀ କ୍ରାଇମ ନିୟନ୍ତ୍ରଣ ବ୍ୟୁରୋ ର ଏକ ମିଳିତ ଅପରେସନରେ ଜବଲପୁର ପଠା ଯାଉଥିବା ସମୟରେ 14.2 କିଲୋଗ୍ରାମ ବଜ୍ରକାପ୍ତା କାତି ଜବତ କରାଯାଇଛି । ଘଟଣାରେ ସମ୍ପୃକ୍ତ ଦୁଇ ଜଣଙ୍କୁ ଗିରଫ କରାଯାଇଥିବା ବେଳେ , ସେମାନଙ୍କ ଠାରୁ ଏକ ହିରୋ ହୋଣ୍ଡା ସ୍ପ୍ଲେଣ୍ଡର ବାଇକ ସହ ଦୁଇଟି ମୋବାଇଲ ଫୋନ ଜବତ କରିଛି ଢେଙ୍କାନାଳ ବନବିଭାଗ । ଅଭିଯୁକ୍ତ ଦୁଇଜଣ ଢେଙ୍କାନାଳ ବନମାଳୀପ୍ରସାଦର ରତ୍ନାକର ରାଉତ ଏବଂ ଢେଙ୍କାନାଳ ବାଜିଚୌକ ର ଫିରୋଜ ଖାନ । ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯିବା ନେଇ ବନ ବିଭାଗ ତରଫରୁ ସୂଚନା ମିଳିଛି .
