ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ ରେ ସ୍ଥାନୀୟ ପିଡବ୍ଲୁଡି ବଙ୍ଗଳା ପରିସରରେ କାମୟାବ ଟିଭି ପରିବାର ତରଫରୁ ଏକ ବନ୍ଧୁମିଳନ କାର୍ଯ୍ୟକ୍ରମ ପାଳିତ ହୋଇ ଯାଇଛି |ସଭାକାର୍ଯ୍ୟ ରେ କାମୟାବ ଟିଭିର ସ୍ୱତନ୍ତ୍ର ପ୍ରତିନିଧି ଅନୱାର ଅଲି ଅତିଥି ପରିଚୟ ପ୍ରଦାନ କରିଥିବା ବେଳେ ଜିଲ୍ଲା ପ୍ରତିନିଧି ରବି ଦାସ ସଭାକାର୍ଯ୍ୟ ପରିଚାଳନା କରିଥିଲେ | ଉତ୍ସବ ରେ ମୁଖ୍ୟ ଅତିଥି ଭାବେ କାମୟାବ ଟିଭି ର ନିୟୁଜ ଏଡିଟର ଗୋଲଖ ବିହାରୀ ଦୀକ୍ଷିତ ଯୋଗଦେଇ ଖବର ପରିବେଷଣ ର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ . ଖବର କଲାବେଳେ ତରବର ହୋଇ ପ୍ରସ୍ତୁତ ନ କରି ସବୁ ଦିଗକୁ ଭଲଭାବେ ତର୍ଜମା କରି ପରିବେଷଣ କରିବା ଉଚିତ | ନଚେତ ଏକ ତରଫା ସମ୍ବାଦ ପରିବେଷଣ କରିବା ଦ୍ଵାରା କେଉଁଠି ନା କେଉଁଠି ଭୁଲ କରି ନଥିବା ଲୋକ ଦଣ୍ଡପାଇବା ର ସମ୍ଭାବନା ରହିଥାଏ ବୋଲି ଉପସ୍ଥିତ ଜିଲ୍ଲାର ସମସ୍ତ ପ୍ରତିନିଧି ମାନଙ୍କୁ କହିଥିଲେ . ଅନ୍ୟମାନଙ୍କ ମଧ୍ୟରେ ସମ୍ମାନୀତ ଅତିଥି ଭାବେ ନୟାଗଡ ଜିଲ୍ଲା ଡିଜିଟାଲ ମିଡ଼ିଆ ୟୁନିଅନର ସମ୍ପାଦକ କିଶୋର ମହାପାତ୍ର ଯୋଗଦେଇ ସାମ୍ବାଦିକ ମାନଙ୍କର ନୈତିକତା ସମ୍ପର୍କରେ ଆଲୋଚନା କରିଥିଲେ । ଅନ୍ୟତମ ଅତିଥି ଭାବେ ନକ୍ଷତ୍ର ନିୟୁଜ ଜିଲ୍ଲା ପ୍ରତିନିଧି ଦେବବ୍ରତ ନାୟକ ଯୋଗ ଦେଇଥିଲେ | ପରିଶେଷରେ ଅତିଥି ମାନଙ୍କୁ ଉପଢୌକନ ଦେଇ ସମ୍ମାନୀତ କରାଯାଇଥିଲା |
