ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଅବପାତ ପ୍ରଭାବରେ ପ୍ରତିଟି ପରିସ୍ଥିତିରେ ପାଗ ବଦଳିବା ସହିତ ଅନେକ ଜାଗାରେ ବର୍ଷା ଏବେବି ଲାଗି ରହିଛି । ସାମୁଦ୍ରିକ ବାତ୍ୟା ଜୱାଦ ପାଇଁ ଏବେ ସମସ୍ତ ରାଜ୍ୟ ଓ ଜିଲ୍ଲା ପ୍ରଶାସନ ପୂର୍ବ ପ୍ରସ୍ତୁତି କରିଥିବା ବେଳେ , ଖୋର୍ଦ୍ଧା ଜିଲ୍ଲା ପ୍ରଶାସନ ହୋଇପଡିଛି ତତ୍ପର . ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ୍ ଅଧିନସ୍ଥ ଅନେକ ତଳିଆ ଅଞ୍ଚଳର ଲୋକଙ୍କୁ ସ୍କୁଲ କିମ୍ବା ବାତ୍ୟା ଆଶ୍ରୟ ସ୍ଥଳୀକୁ ସ୍ଥାନାନ୍ତରଣ କରାଯିବା ସହ ଆବଶ୍ୟକ କ୍ଷେତ୍ରରେ ରନ୍ଧା ଖାଦ୍ୟ ପ୍ରଦାନ ପାଇଁ ପ୍ରସ୍ତୁତ ରହିଛି ପ୍ରଶାସନ . ଡ଼ାକବାଜି ଯନ୍ତ୍ର ମାଧ୍ୟମରେ ଚିଲିକାକୁ ନ ଯିବାକୁ ମତ୍ସ୍ୟଜୀବୀ ମାନଙ୍କୁ ସଚେତନ କରାଯାଇଛି । ବଉଳାବନ୍ଧ ପଞ୍ଚାୟତ ରେ ଗୋଟିଏ ଏନ୍ ଡି ଆର ଏଫ୍ ଟିମ ବାତ୍ୟା ଜୱାଦ ର ମୁକାବିଲା ପାଇଁ ସଜାଗ ଥିବା ବେଳେ ଲୋକଙ୍କୁ ସତର୍କ କରୁଥିବା ଦେଖିବାକୁ ମିଳିଛି ।
