ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ଦିନକୁ ଦିନ ପଞ୍ଚାୟତ ନିର୍ବାଚନ ସରଗରମ ହେବାରେ ଲାଗିଛି । ଚଣ୍ଡିବସ୍ତ ପଞ୍ଚାୟତ ରେ ସୂର୍ଯ୍ୟ ଚିହ୍ନ ରେ ପ୍ରତିଦ୍ୱନ୍ଦିତା କରୁଥିବା ସରପଞ୍ଚ ପ୍ରାର୍ଥୀନୀ ଜିନୁ ସାହୁ ପ୍ରଚାର ପ୍ରସାର ରେ ଆଗୁଆ ଥିବା ଜଣାପଡିଛି । ପୁର୍ବରୁ ଜିନୁ ସାହୁଙ୍କ ଶ୍ୱଶୁର ଦୁର୍ଗା ମାଧବ ପଟ୍ଟନାୟକ ଅଭିଭକ୍ତ ଭାଟସାହି ପଞ୍ଚାୟତରେ ସରପଞ୍ଚ ଭାବେ ପ୍ରତିନିଧିତ୍ଵ କରିଥିଲେ । ଶ୍ଵଶୁରଙ୍କ ଜନହିତକର କାର୍ଯ୍ୟରେ ଅନୁପ୍ରାଣିତ ହୋଇ ଜନସେବା କରିବା କରିବା ପାଇଁ ରାଜନୀତିରେ ପ୍ରବେଶ କରିଥିବା ପ୍ରକାଶ କରିଛନ୍ତି ଜିନୁ ସାହୁ । ପଞ୍ଚାୟତରେ ଜନସାଧାରଣ ଜିନୁ ସାହୁ ଙ୍କ ଉପରେ ଆଶା ଏବଂ ବିଶ୍ୱାସ ରଖିଥିବା ପ୍ରକାଶ କରିଛନ୍ତି । ଜିନୁ ସାହୁ ସୂର୍ଯ୍ୟ ଚିହ୍ନ ରେ ପ୍ରତିଦ୍ୱନ୍ଦିତା କରୁଥିବା ସମୟରେ ନିର୍ବାଚିତ ହେବା ପରେ ପଞ୍ଚାୟତ ବାସୀଙ୍କ ସୁଖଦୁଃଖ ରେ ସାମିଲ ହେବା ସହ ସମସ୍ତ ସମସ୍ୟାର ସମାଧାନ କରିବା ପାଇଁ ଦୃଢୋକ୍ତି ପ୍ରକାଶ କରିଛନ୍ତି ।
