ନୂଆଗାଁ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ ଜିଲ୍ଲା ନୂଆଗାଁ ବ୍ଳକ ଅନ୍ତର୍ଗତ କାପ୍ତାପଲ୍ଲୀ ପଞ୍ଚାୟତର ନବ ନିର୍ବାଚିତ ପଞ୍ଚାୟତ ପ୍ରତିନିଧି ମାନଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇଛି ଗ୍ରାମ ବିକାଶ ସଂସ୍ଥା । ଗ୍ରାମ ବିକାଶ ସଂସ୍ଥା ଆଜକୁ ୪୦ ବର୍ଷ ଧରି ଲୋକଙ୍କ ସେବା କରି ଆସୁଛି । କୋଭିଡ ସମୟରେ ଲୋକମାନଙ୍କୁ ବହୁତ ସହାୟକ ହୋଇଥିବା ବେଳେ ତାହା ଏବେ ଲୋକଙ୍କ ଆସ୍ଥା ଭାଜନ ହୋଇଥିବା ଦେଖିବାକୁ ମିଳିଛି । ଏହି ସଭାରେ ମୁଖ୍ୟ ଅତିଥି ଭାବେ ଲୁଢାପଦର ଏଫସିଓ ବାସନ୍ତି ମ୍ୟାଡ଼ାମ ଓ କାପ୍ତାପଲ୍ଲୀ ପଞ୍ଚାୟତର ସରପଞ୍ଚ ସାରସଧର ସାହୁ ,ସମିତି ସଭ୍ୟା ସୁଷମା ଦଳବେହେରା , ଦୁର୍ଲଭ ସାର ପ୍ରମୂଖ ଯୋଗଦେଇ ସଭା କାର୍ଯ୍ୟକୁ ସମ୍ପନ୍ନ କରିଥିଲେ . ନିର୍ବାଚିତ ପ୍ରତିନିଧି ମାନେ ଲୋକଙ୍କ ସ୍ୱର ହୋଇ କିପରି ଆଗକୁ କାର୍ଯ୍ୟ କରିବେ ତାହା ଆଲୋଚନା ହୋଇଥିଲା । ପଞ୍ଚାୟତର ସବୁ ଗ୍ରାମର ସମସ୍ୟା ଯେପରି ପାନୀୟ ଜଳ , ରାସ୍ତା, ସ୍ୱାସ୍ଥ୍ୟ ଏପରିକି ଉପଯୁକ୍ତ ହିତାଧିକାରୀ ରାସନ ପେନସନ ଆବାସ ଯୋଜନା , ଗ୍ରାମବିକାଶ ଓ ପଞ୍ଚାୟତର ସମନ୍ଵୟରେ ତାହା କିପରି ଦୂରୀକରଣ କରାଯିବ ସେହି ବିଷୟରେ ସର୍ବ ଶେଷରେ ଆଲୋଚନା କରାଯାଇଥିଲା ।
