ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ଥାନା ୧୬ ନମ୍ବର ଜାତୀୟ ରାଜପଥ ବିଷ୍ଣୁଡ଼ିହ ବାଇପାସରେ ଆଜି ଭୋରରୁ ଦୁଇ ଗୋଟି ଟ୍ରକ ଦୁର୍ଘଟଣାଗ୍ରସ୍ତ ହୋଇଛି । ସୂଚନା ମୁତବାକ ବ୍ରହ୍ମପୁର ରୁ ଭୁବନେଶ୍ୱର ଅଭିମୁଖେ ଆଗ ପଛ ହୋଇ ଯାଉଥିବା ଏକ କୋଇଲା ବୋଝେଇ ଟ୍ରକ ଏବଂ ଅନ୍ୟାନ୍ୟ ଜିନିଷ ବୋଝେଇ ଆଉ ଏକ ଟ୍ରକ ପରସ୍ପର ସହ ବିଷ୍ଣୁଡିହ ବାଇପାସ ନିକଟରେ ଧକ୍କା ହୋଇଥିଲେ । ଫଳରେ ଗୋଟାଏ ଟ୍ରକ ରାସ୍ତା ପାର୍ଶ୍ୱକୁ ଖସି ପଡ଼ିଥିବା ବେଳେ ଅନ୍ୟ ଟ୍ରକ ଟି କ୍ଷତିଗ୍ରସ୍ତ ହୋଇ ରାସ୍ତା ମଝିରେ ଛିଡା ହୋଇଥିଲା । ତେବେ ଉକ୍ତ ଦୁର୍ଘଟଣାରେ ଦୁଇ ଜଣ ଆହତ ହୋଇ ଚିକିତ୍ସିତ ହେଉଥିବା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ରାସ୍ତାରୁ କ୍ଷତିଗ୍ରସ୍ତ ଗାଡିକୁ ବାହାର କରିଥିବା ଜଣାପଡିଛି ।
