ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : ବେଗୁନିଆ ବ୍ଲକ ଗୋବିନ୍ଦପୁର ପଞ୍ଚାୟତ ଅନ୍ତର୍ଗତ ପରିଛଳସ୍ଥିତ ଦୟାନନ୍ଦ ଆଦର୍ଶ ଗୁରୁକୂଳର ଦ୍ବିତୀୟ ବାର୍ଷିକ ଉତ୍ସବ ପାଳିତ ହୋଇଯାଇଛି । ବିଦ୍ୟାଳୟର ପ୍ରତିଷ୍ଠାତା ବିଶିଷ୍ଟ ବିଦ୍ଵାନ ପଣ୍ଡିତ ବୀରେନ୍ଦ୍ର କୁମାର ପଣ୍ଡାଙ୍କ ପୌରୋହିତ୍ୟରେ ଆୟୋଜିତ ଉତ୍ସବରେ ଆଚାର୍ଯ୍ୟ କୃଷ୍ଣଦେବ ସ୍ୱାମୀ ମୁଖ୍ୟ ଅତିଥି, ପଣ୍ଡିତ ସହଦେବ ଶାସ୍ତ୍ରୀ ମୁଖ୍ୟବକ୍ତା, ସ୍ୱାମୀ ମୁକ୍ତା ନନ୍ଦଜୀ, ପଣ୍ଡିତ ଜଗବନ୍ଧୁ ଶାସ୍ତ୍ରୀ ଓ ସମାଜସେବୀ ଭିକାରୀ ଚରଣ ସାହୁ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇ ଗୁରୁକୂଳ ଶିକ୍ଷା ଦ୍ୱାରା ଉତ୍ତମ ଶିଷ୍ୟ ସମାଜକୁ ଅଧୋପତ୍ତନରୁ ରକ୍ଷା କରିବାକୁ ସହାୟକ ହୋଇଥାଏ ବୋଲି ମତବ୍ୟକ୍ତ କରିଥିଲେ । ଶନିବାର ପ୍ରାତଃ ସମୟରେ ଯୋଗ ଶିକ୍ଷକ ସୁରେନ୍ଦ୍ର ଶାସ୍ତ୍ରୀ ଉପସ୍ଥିତ ଜନ ସାଧରଣକୁ ଯୋଗ ଶିକ୍ଷା ସହ ଗୃହୀତ ଯଜ୍ଞ କରାଯିବା ସହ ଭଜନ ଓ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଶେଷରେ ଆଚାର୍ଯ୍ୟ ଧର୍ମରାଜ ଧନ୍ୟବାଦ ଅର୍ପଣ କରିଥିଲେ ।
