ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ନାଚୁଣୀ ମହାବିଦ୍ୟାଳୟ ପରିସରରେ ୫୩ ତମ ଜାତୀୟ ସେବା ଯୋଜନା ଦିବସ ସୂଚାର ରୂପେ ଅନୁଷ୍ଠିତ ହୋଇଯାଇଛି । ଏହା ଜାତୀୟ ସେବା ଯୋଜନା (+୩) ର ଜଗନ୍ନାଥ ଆଚାର୍ଯ୍ୟ ଙ୍କ ଆହ୍ବାନ କ୍ରମେ, ଏନ୍ଏସ୍ଏସ ର ମୁଖ୍ୟ ସ୍ୱେଚ୍ଛାସେବୀ ଶୁଭମ୍ ତ୍ରିପାଠୀ ଙ୍କ ନେତୃତ୍ଵ କ୍ରମେ ମହାବିଦ୍ୟାଳୟ ର ଛାତ୍ର ଛାତ୍ରୀଗଣ ସହାୟତା ରେ ସମ୍ପାଦିତ ହୋଇଥିଲା । ଉକ୍ତ କାର୍ଯ୍ୟକ୍ରମ ରେ ମହାବିଦ୍ୟାଳୟ ପରିସର କୁ ପରିଷ୍କାର ପରିଚ୍ଛନ୍ନ କରାଯାଇଥିଲା ଏବଂ ଭବିଷ୍ୟତ ରେ କିପରି ପରିଚ୍ଛନ୍ନ ରହିବ ସେ ଉପରେ ଏକ ସାରସ୍ୱତ ବାର୍ତ୍ତା , ଜଗନ୍ନାଥ ଆଚାର୍ଯ୍ୟ ପରିବେଷଣ କରିବା ସହ ଆଗକୁ କିପରି ଜୋରଦାର ସେବା କାର୍ଯ୍ୟ ଚାଲିବ ସେଥିପ୍ରତି ପ୍ରତିଶୃତି ଦେଇଥିଲେ । କାର୍ଯ୍ୟକ୍ରମରେ ପରିବେଶ ସୁରକ୍ଷା ଜୀବନ ରକ୍ଷା ର ନାରାଦେଇ ଛାତ୍ର ଛାତ୍ରୀ ଗଣ କାର୍ଯ୍ୟ କୁ ଆଡମ୍ବର ସହକାରେ ଶେଷ କରିଥିଲେ । ଏଥିରେ ରେଡକ୍ରସ କାଉନସିଲର ବିଜୟ ଶତପଥି , ଏନ୍ ସିସି ଅଧିକାରିଣୀ ପ୍ରଜ୍ଞା ପାରମିତା ପାତ୍ର ଉପସ୍ଥିତ ରହିବା ସହ ବିଶ୍ୱଜିତ୍ ପ୍ରଧାନ , ଗାୟତ୍ରୀ ଦାସ, ଅଲିଭା ରଥ , ରାମ କିଶୋର ସାହୁ , ସୁଜାତା ସାହୁ , ପ୍ରିତମ ମହାରଣା ,ବିନୟ ସାହୁ ଆଦି ଛାତ୍ର ଛାତ୍ରୀ ଯୋଗଦେଇ କାର୍ଯ୍ୟକ୍ରମ କୁ ଆଗେଇ ନେଇଥିଲେ ।
