ବୋଲଗଡ ( ଆୱାଜ ମିଡ଼ିଆ ) – ଗଙ୍ଗାଧର ସାହୁ : ଚାରି ଦଶନ୍ଧିର ବିଦ୍ୟାଳୟରେ ସ୍ଥିତି ସଂକଟଜନକ ! ଶିକ୍ଷକ ଅଭାବରୁ ପାଠପଢା କାର୍ଯ୍ୟ ସଂପୂର୍ଣ୍ଣ ବ୍ୟାହତ ! ଏପରି ସ୍ଥିତି ଲାଗି ରହିଲେ କାର୍ଯ୍ୟରତ ମାତ୍ର ଦୁଇ ଜଣ ନିୟମିତ ଶିକ୍ଷୟିତ୍ରୀ ଙ୍କ ଅବସର ପରେ ବିଦ୍ୟାଳୟରେ ଝୁଲିବା ତାଲା ! ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ ଧଳାପଥର ପଞ୍ଚାୟତର ବାଳିକା ଉଚ୍ଚ ବିଦ୍ୟାଳୟର ଉଦବେଗଜନକ ସ୍ଥିତିକୁ ନେଇ ସଚେତନ ମହଲରେ ଦେଖା ଦେଇଛି ଚିନ୍ତା ! ଅଭିଵାବକ ମାନେ ବିଦ୍ୟାଳୟର ସମସ୍ୟା ନେଇ ସଚେତନ ନୁହନ୍ତି , ସ୍ଥାନୀୟ ଜନ ପ୍ରତିନିଧି ଭିଡକୁ ନୁହନ୍ତି , ବିଦ୍ୟାଳୟ ପରିଚାଳନା କମିଟି ସଂପୂର୍ଣ୍ଣ ନିଷ୍କ୍ରିୟ , ଖାଲି ପଦବୀ ମାଡି ବସି ମିଟିଙ୍ଗ କୁ ଆସି ଚାହା ପିଇ ଫେରି ଯାଉଛନ୍ତି , ଏପରିକି ଆଖପାଖ ଚାରି ପାଞ୍ଚଟି ପଞ୍ଚାୟତ ବାସିନ୍ଦା କଥା କୁ ଆଲୋଚନା କରି ଚୁପ ! ଏସବୁ କାରଣକୁ ମିଶାଇ ଦେଖା ଦେଇଛି ବଡ ଆଶଙ୍କା – ଆଗାମୀ ଦିନରେ ବିଦ୍ୟାଳୟରେ ଝୁଲି ପାରେ ତାଲା !
