ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ରେ ନୂତନ ହିତାଧିକାରୀ ମାନଙ୍କୁ ବିଭିନ୍ନ ଯୋଜନା ମାଧ୍ୟମରେ ଭତ୍ତା ବଣ୍ଟନ କରାଯାଇଛି ! ମଧୁବାବୁ ପେନସନ ପାଇଁ ଯୋଗ୍ୟ ହିତାଧିକାରୀ , ବିଧବା ଓ ଦିବ୍ୟାଙ୍ଗ ଙ୍କ ନିମନ୍ତେ ଭତ୍ତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗରିବ ଅସହାୟ ଜନସାଧାରଣଙ୍କ ମୁଖରେ ଟିକେ ହସ ଫୁଟାଇ ପାରୁଥିବା ଏହି ସରକାରୀ ଯୋଜନାର ଆଜି ବାସ୍ତବତା ଉପଲବ୍ଧି ବାରି ହୋଇ ପଡୁଥିଲା । ତାଲିକାରେ ସାମିଲ ହୋଇଥିବା ନୂତନ ହିତାଧିକାରୀ ବେଶ ଖୁସି ଥିଲେ, ସତେ ଯେମିତି ସରଗର ଚାନ୍ଦ ତାଙ୍କ ହାତ ମୁଠାକୁ ଚାଲି ଆସିଛି । ଏହି କାର୍ଯ୍ୟକ୍ରମ ରେ ବାଣପୁର ବ୍ଲକ ଅଧ୍ୟକ୍ଷ ଅମରେନ୍ଦ୍ର ରଣସିଂହ, ଖୋର୍ଦ୍ଧା ଜିଲ୍ଲା ପରିଷଦ ଉପାଧ୍ୟକ୍ଷ ଗୋପୀନାଥ ମହାରଣା, ବାଣପୁର ବ୍ଲକ ବିଧାୟକଙ୍କ ପ୍ରତିନିଧି ମନୋଜ କୁମାର ପ୍ରଧାନ, ବାଣପୁର ବ୍ଲକ ସାଂସଦଙ୍କ ପ୍ରତିନିଧି ଯଦୁ ପ୍ରଧାନ ଓ ବ୍ଲକ ବି.ଡ଼ି.ଓ ବୁଲ୍ବୁଲ୍ ବେହେରା ପ୍ରମୁଖ ଉପସ୍ଥିତ ରହି ହିତାଧିକାରୀ ଙ୍କୁ ଭତ୍ତା ବଣ୍ଟନ କରିଥିଲେ । ଏହି କାର୍ଯ୍ୟକ୍ରମ ଅନ୍ତର୍ଗତ ସମସ୍ତ ହିତାଧିକାରୀ ଶାନ୍ତି ଶୃଙ୍ଖଳାର ସହିତ ସମସ୍ତ ଅଧିକାରୀ ଓ ଜନ ପ୍ରତିନିଧି ନେତୃବୃନ୍ଦ ପ୍ରମୁଖ ଙ୍କୁ କୃତଜ୍ଞତା ଜଣାଇଥିଲେ ।
