ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ଉପ କାରାଗାର ପରିସରରେ ଶ୍ରୀଅରବିନ୍ଦ ଙ୍କ ୧୫୦ ତମ ଜୟନ୍ତୀ ଅବସରରେ ଏକ ପାଠଚକ୍ର ଅନୁଷ୍ଠିତ ହୋଇଯାଇଛି । ଏଥିରେ ଅନ୍ତେବାସୀଙ୍କୁ ମନୁଷ୍ୟ ଜୀବନ କିପରି ଏକ ଦୁର୍ଲ୍ଲଭ ଜୀବନ ସେ ସମ୍ପର୍କରେ ଆଧ୍ୟାତ୍ମିକ ଜ୍ଞାନ ଦ୍ୱାରା ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ଅରଜ୍ୟୋତୀ ଟ୍ରଷ୍ଟ ପୁରୀ ଏବଂ ଶ୍ରୀ ଅରବିନ୍ଦ ଲିଗାଲ ୟୁନିଟ ଖୋର୍ଦ୍ଧା ର ମିଳିତ ଆନୁକୂଲ୍ୟରେ କରାଯାଇଥିବା ବେଳେ ଡା ବିପିନା ନନ୍ଦ ମିଶ୍ର କାର୍ଯ୍ୟକ୍ରମକୁ ପରିଚାଳନା କରିଥିଲେ ! କାର୍ଯ୍ୟକ୍ରମରେ ଭିକାରି ପ୍ରଧାନ ସ୍ବାଗତ ସମ୍ବର୍ଦ୍ଧନା ଜଣାଇ ଅତିଥି ପରିଚୟ ପ୍ରଦାନ କରିଥିବା ଥିବାବେଳେ , ମୁଖ୍ୟ ବକ୍ତା ଭାବେ ଅରଜ୍ୟୋତୀ ଟ୍ରଷ୍ଟ ସଦସ୍ୟ ସୁକାନ୍ତ କୁମାର ଜେନା , ସୁନିଲ କୁମାର ପୃଷ୍ଟି ସମେତ ଖୋର୍ଦ୍ଧା ଜିଲ୍ଲା ଲିଗାଲ ୟୁନିଟ ର ଆବାହକ ଆଇନିଜୀବି ଶେଷଦେବ ମହାରଣା ଆଲୋଚନା ଚକ୍ର ରେ ଯୋଗଦେଇ କାରାଗାର ର ଅନ୍ତେବାସୀଙ୍କୁ ଆଧ୍ୟାତ୍ମିକ ଜ୍ଞାନ ଦ୍ୱାରା ଅଭିଭାଷଣ ପ୍ରଦାନ କରିଥିଲେ । ପ୍ରତ୍ୟେକ ମନୁଷ୍ୟ ତାର ଜୀବନର ଲକ୍ଷ୍ୟ ଜାଣିବା ଓ ନିଜକୁ ଏକ ସୁସ୍ଥ ସମାଜ ଗଠନ ନିର୍ମାଣ ରେ ସାମିଲ କରିବା ନିହାତି ଆବଶ୍ୟକ ବୋଲି ମତପ୍ରକାଶ କରିଥିଲେ । ଏହି ଶୀର୍ଷକ ଆଲୋଚନା ବହୁତ ହୃଦୟ ସ୍ପର୍ଶି ହୋଇ ଥିବାବେଳେ , ସଭା ଶେଷରେ ଶିବ ଭୋଳ ଧନ୍ୟବାଦ ଅର୍ପଣ କରିଥିଲେ ।
