ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ର ଐତିହାସିକ ପଲଟନ ପଡିଆ ଠାରେ ରାଷ୍ଟ୍ରୀୟ ସ୍ଵୟଂସେବକ ସଂଘ ପକ୍ଷରୁ ତିନିଦିନିଆ କର୍ମଶାଳା ଅନୁଷ୍ଠିତ ହୋଇଯାଇଛି । ଏହି ଅବସରରେ ବାଣପୁର ସରସ୍ଵତୀ ଶିଶୁ ବିଦ୍ୟା ମନ୍ଦିର ଠାରୁ ପଲଟନ ପଡିଆ ଯାଏଁ ଏକ ଘୋଷ ଯାତ୍ରା ବାହାରିଥିବା ବେଳେ ,ସେଠାରେ ଭାରତୀୟ ସଂସ୍କୃତି ର ସୁରକ୍ଷା ସମ୍ପର୍କରେ ଏକ ଆଲୋଚନା ଚକ୍ରର ଆୟୋଜନ କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ ହିସାବ ନିରିକ୍ଷକ ତଥା ସ୍ଵୟଂସେବକ ପ୍ରଶାନ୍ତ କୁମାର ମହାପାତ୍ର , ସମ୍ମାନୀତ ଅତିଥି ଭାବେ ପୂର୍ବତନ ପ୍ରଧାନ ଶିକ୍ଷକ ନିରଞ୍ଜନ ସାହୁ , ସଂଘ ଚାଳକ ବାଣପୁର ଖଣ୍ଡର ସତ୍ୟ ନାରାୟଣ ଷଡ଼ଙ୍ଗୀ ଯୋଗଦେଇ ଧର୍ମ , ସଂସ୍କାର, ସଂସ୍କୃତି ସମେତ ଭାରତୀୟ ସଂସ୍କୃତିକୁ କିପରି ବଜାୟ ରଖାଯାଇ ପାରିବ ସେନେଇ ଆଲୋଚନା କରିଥିଲେ । ଅନ୍ୟ ମାନଙ୍କ ମଧ୍ୟରେ ପ୍ରଧାନ ଆଚାର୍ଯ୍ୟ ଅବିନାଶ ମହାନ୍ତି , ପ୍ରଶାନ୍ତ କୁମାର ସୁପକାର , ବୈରାଗୀ ଚରଣ ବଳ , ପ୍ରକାଶ କୁମାର ପାତ୍ର ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।
