କଟକ ( ଆୱାଜ ମିଡ଼ିଆ ) – ଅମ୍ରିତା ପଟ୍ଟନାୟକ : କଟକ ମାଟିର କୁନି ପ୍ରତିଭା ଜୟ ପ୍ରକାଶଙ୍କ ରେକର୍ଡ ନିଶା । କଟକ ତଥା ଓଡ଼ିଶା ମାଟିରେ ଅନେକ ନେତା, ଅଭିନେତା ଓ କଳାକାର ମାନେ ଜନ୍ମ ଗ୍ରହଣ କରିଥିବା ବେଳେ କଳା, ସଂସ୍କୃତି ଓ ପରମ୍ପରା ପାଇଁ ଓଡ଼ିଶାକୁ ବିଶ୍ଵ ସ୍ତରରେ ପରିଚିତ କରାଇବାରେ ଏମାନେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ସେ ଅଲମ୍ପିକ୍ସ ହେଉ ଅବା କୌଣସି କଳା ହେଉ ଓଡ଼ିଶା ର ମହତ୍ତ୍ୱ ସବୁଥିରେ କିଛି ନିଆରା । ଆଜି ଏହିପରି କିଛି ଦୃଷ୍ଟାନ୍ତ ଦେଖିବାକୁ ମିଳିଛି କଟକ ମାଛୁଆ ବଜାର ଅଞ୍ଚଳରେ । ମାତ୍ର ୫ ବର୍ଷ ର କୁନି ପୁଅ ଜୟ ପ୍ରକାଶ ସାଧାରଣ ରେ ଏବେ ଚର୍ଚ୍ଚାର ବିଷୟ ପାଲଟିଛନ୍ତି । ୱେଷ୍ଟରିଙ୍ଗ ଭଳି ଏକ ପାଶ୍ଚାତ୍ୟ ଖେଳକୁ ଆପଣାଇ ଜୟ ଖୁବ କମ୍ ଦିନ ଭିତରେ ବିନା କୌଣସି ପ୍ରଶିକ୍ଷଣ ରେ ଏହିପରି ପ୍ରତିଭା ର ଅଧିକାରୀ ହୋଇଛନ୍ତି । ଜୟ ପ୍ରକାଶ ଭାଇ ଭଉଣୀମାନଙ୍କ ଠୁ ଦେଖିବା ପରେ ୱେଷ୍ଟରିଙ୍ଗ ଭଳି କଷ୍ଟସାଧ୍ୟ ଖେଳକୁ ଆରମ୍ଭ କରିଥିଲେ । ଏବେ ୟୁଟୁବ ରୁ ଦେଖି ଦୁଇ ମାସ ଭିତରେ ଗୋଟିଏ ନୁହେଁ ବରଂ ଦୁଇ ଦୁଇଟି ରିଙ୍ଗ କୁ ବୁଲାଉଛନ୍ତି । କେବଳ ସେତିକି ନୁହେଁ ଜୟ ପ୍ରକାଶଙ୍କ ର ୱେଷ୍ଟରିଙ୍ଗ ଖେଳ ବ୍ୟତୀତ ପାଠପଢା, ନାଚ, ଗୀତ ରେ ମଧ୍ୟ ରୁଚି ରହିଛି । ଆଗକୁ ଲିମକା ବୁକ୍ ଅଫ୍ ରେକର୍ଡ ରେ ଭାଗ ନେବା ସହ କଟକ ର ନାଁ ରଖିବେ ବୋଲି କହିଛନ୍ତି ଜୟ ପ୍ରକାଶ ସାହୁ । ଏଥିପାଇଁ ତାଙ୍କ ପରିବାର ଲୋକମାନେ ତାଙ୍କୁ ଉତ୍ସାହ, ପ୍ରେରଣା ଓ ସହଯୋଗ ଯୋଗାଇଥାଆନ୍ତି ।
