ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ଗୋଶାଣୀ ବ୍ଲକର କେରାଣ୍ଡି ପଞ୍ଚାୟତର ନୂଆ କେରାଣ୍ଡି ଗ୍ରାମ ଠାରେ ଭୈମୀ ଏକାଦଶୀ ଉପଲକ୍ଷେ ଅଷ୍ଟ ପ୍ରହରୀ ହରିନାମ ସଂକୀର୍ତ୍ତନ ଅନୁଷ୍ଠିତ ହୋଇଯାଇଛି । ଅଷ୍ଟ ପ୍ରହରୀ ଅବସରରେ ଆଖ ପାଖ ଗ୍ରାମର ସଂକୀର୍ତ୍ତନ ଦଳ ଆସି ହରି ନାମ ସଂକୀର୍ତ୍ତନ ପରିବେଷଣ କରିଛନ୍ତି । ଏହା କରିବା ଦ୍ବାରା ଲୋକଙ୍କ ପୁଣ୍ୟ ଅର୍ଜନ ଓ ମନରେ ଆଧ୍ୟାତ୍ମିକ ଚେତନା ଜାଗୃତି ହେବା ସହ ଗ୍ରାମରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି । ସକାଳେ ଓ ସନ୍ଧ୍ୟା ସମୟରେ ଭକ୍ତ ମାନେ ନଡ଼ିଆ କଦଳୀ ଧରି ପୂଜାର୍ଚ୍ଚନା କରିବା ସହ ହରି ନାମ ସଂକୀର୍ତ୍ତନରେ ଯୋଗ ଦେଇଥିବା ଦେଖିବାକୁ ମିଳିଛି ।
