ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ଢ଼େଙ୍କାନାଳ ଅଞ୍ଚଳର ଜଗନ୍ନାଥ ଅପେରାର ମାଲିକ ତାଙ୍କ ଅପେରାରେ କାର୍ଯ୍ୟରତ ଦମ୍ପତିଙ୍କ ଟଙ୍କା ହଡ଼ପ କରିଥିବା ନେଇ ସୁକିନ୍ଦା ଥାନାରେ ଅଭିଯୋଗ ହୋଇଛି । ସୂଚନା ମୁତାବକ ଜଗନ୍ନାଥ ଅପେରା ସୁକିନ୍ଦା ଥାନା ଅନ୍ତର୍ଗତ ଗନ୍ଧାପାଳ ଗ୍ରାମରେ ଯାତ୍ରା ପରିବେଷଣ କରୁଥିବା ବେଳେ ସେହି ଯାତ୍ରାପାର୍ଟିରେ କାମ କରୁଥିବା ଯାଜପୁର ରୋଡ ଲକ୍ଷ୍ମୀନଗର ଅଞ୍ଚଳର ବାସିନ୍ଦା ନବଘନ ମଲ୍ଲିକଙ୍କ ପୁଅ ଆଲୋକ (୨୫) ଓ ତାଙ୍କ ପତ୍ନୀ ଭୂମି ମଲ୍ଲିକଙ୍କ ବକେୟା ପ୍ରାପ୍ୟ ନଦେଇ ଦୀର୍ଘ ଦିନ ଧରି ତାଙ୍କୁ ଠକି ଚାଲିଥିବା ଅଭିଯୋଗ ହୋଇଛି । ସୁକିନ୍ଦା ପୋଲିସ ଲିଖିତ ଅଭିଯୋଗ ପାଇ ତଦନ୍ତ ଜାରି ରଖିଥିବା ସୂଚନା ମିଳିଛି ।
