ବେଗୁନିଆ ( ଆୱାଜ ମିଡ଼ିଆ ) – ସମିର ସୁନ୍ଦରାୟ : ବେଗୁନିଆ ବ୍ଲକ ଅନ୍ତର୍ଗତ ଦୁର୍ଗାପୁର ପଞ୍ଚାୟତର ଗୁଡୁମ ଗ୍ରାମରେ ଥିବା ବ୍ୟାଙ୍କ ଅଫ ବରୋଦା ରେ ଚୋରମାନେ କଳାକନା ବୁଲାଇଛନ୍ତି l ସୂଚନା ମୁତାବକ ଗତକାଲି ବିଳମ୍ବିତ ରାତିରେ କିଛି ଦୁର୍ବୁତ୍ତ ବ୍ୟାଙ୍କର ପଛପଟ ଝରକା ଭାଙ୍ଗି ଭିତରକୁ ପଶିଥିଲେ l ବ୍ୟାଙ୍କର ବହୁ ମୂଲ୍ୟବାନ ସାମଗ୍ରୀ ନଷ୍ଟ କରିବା ସହିତ ଗୋଟିଏ ଲ୍ୟାପଟପ ଏବଂ ଗୋଟିଏ ଟାବଲେଟ ନେଇ ଚମ୍ପଟ ମାରିଛନ୍ତି l ଆଜି ସକାଳୁ ସ୍ଥାନୀୟ ବାସୀ ବ୍ୟାଙ୍କର ଏପରି ଅବସ୍ଥା ଦେଖି ବ୍ୟାଙ୍କ କତ୍ତୃପକ୍ଷଙ୍କୁ ଖବର ଦେଇଥିଲେ ଏବଂ ସେମାନେ ଆସି ବ୍ୟାଙ୍କର ଏପରି ଅବସ୍ଥା ଦେଖି ଖୋର୍ଦ୍ଧା ସଦର ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପାଇ ଖୋର୍ଦ୍ଧା ପୋଲିସ ଏବଂ ସାଇଣ୍ଟିଫିକ ଟିମ ମିଶି ଘଟଣାର ତଦନ୍ତ ଆରମ୍ଭ କରିଥିଲେ l ବ୍ରାଉନ ସୁଗାର ଖାଉଥିବା ଲୋକମାନେ ଏପରି କାଣ୍ଡ କରିଥିବେ ବୋଲି ସ୍ଥାନୀୟ ଲୋକ ପତିକ୍ରିୟା କରିବା ସହିତ ପୋଲିସର ଅବହେଳାକୁ ଦାୟୀ କରିଛନ୍ତି l
