ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ବିଦ୍ୟାଳୟରେ ସମସ୍ତଙ୍କୁ ପଛରେ ପକେଇ ମାଟ୍ରିକ ପରୀକ୍ଷାରେ ଟପ୍ପର ହୋଇଛନ୍ତି ବାଲୁଗାଁ ସୁବୁଦ୍ଧି ପାଟଣା ଗ୍ରାମର ପୁଅ ସୋମନାଥ ସାହୁ ! ରାଜ୍ୟରେ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଛି । ରାଜ୍ୟରେ ପାସ ହାର ଶତକଡା ୯୬.୪୦ ପ୍ରତିଶତ ରହିଥିବା ବେଳେ ଖୋର୍ଦ୍ଧା ଜିଲ୍ଲାରେ ପାସ ହାର ଶତକଡା ୯୭.୪୮ ରହିଥିବା ଜଣାପଡିଛି । ଖୋର୍ଦ୍ଧା ଜିଲ୍ଲା ବାଲୁଗାଁ ନିକଟସ୍ଥ ଚିଲିକା ବଡକୂଳ ସରକାରୀ ଉଚ୍ଚ ବିଦ୍ୟାଳୟର ଛାତ୍ର ତଥା ବାଲୁଗାଁ ନିକଟସ୍ଥ ସୁବୁଦ୍ଧି ପାଟଣା ଗ୍ରାମର ବସନ୍ତ କୁମାର ସାହୁ ଓ ଛବି ସାହୁଙ୍କ ସାନ ପୁଅ ସୋମନାଥ ସାହୁ ପରୀକ୍ଷାରେ ସମସ୍ତଙ୍କୁ ପଛରେ ପକେଇ ବିଦ୍ୟାଳୟରେ ହୋଇ ପାରିଛନ୍ତି ଟପ୍ପର । ଚଳିତ ବର୍ଷ ମାଟ୍ରିକ ପରୀକ୍ଷାରେ ସୋମନାଥ ମୋଟ ୬୦୦ ନମ୍ବର ରୁ ୫୨୫ ( ଶତକଡା ୮୭.୫୦ ପ୍ରତିଶତ ) ନମ୍ବର ରଖି ବିଦ୍ୟାଳୟ ର ସୁନାମ ଆଣି ଟପ୍ପର ହୋଇଛନ୍ତି । ସୋମନାଥଙ୍କ ଏହି କୃତିତ୍ଵ ପାଇଁ ତାଙ୍କୁ ପରିବାର, ବନ୍ଧୁବାନ୍ଧବ, ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଅଞ୍ଚଳ ବାସି ଙ୍କ ତରଫରୁ ଶୁଭେଚ୍ଛା ମିଳିଛି । ସୋମନାଥଙ୍କ ଆଜିର ଏହି ସଫଳତା ର ଶ୍ରେୟ ତାଙ୍କ ବାବା,ମାଆ, ଦୁଇ ଭଉଣୀ ଲକ୍ଷ୍ମୀପ୍ରିୟା ସାହୁ, ଦୀପ୍ତି ସାହୁ ଓ ତାଙ୍କ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଙ୍କୁ ଦେଇଥିବାର ସୋମନାଥ କହିଛନ୍ତି ।
