ନୟାଗଡ ( ଆୱାଜ ମିଡ଼ିଆ ) – ସଂଜୀବ କୁମାର ଡାକୁଆ : ରାଜ୍ୟରେ କାୟା ବିସ୍ତାର କରିଚାଲିଛି କରୋନା . ନୟାଗଡ ଜିଲ୍ଲାର ବିଭିନ୍ନ ସ୍ଥାନରୁ କରୋନା ପଜିଟିଭ ଚିହ୍ନଟ ହେଉଥିବା ସମୟରେ ନୂଆଗାଁ ବ୍ଲକ କାର୍ଯ୍ୟାଳୟରେ କିଛି କର୍ମଚାରୀ ଏବଂ ନିଜେ ମଣ୍ଡଳ ଉନ୍ନୟନ ଅଧିକାରୀ କରୋନା ଆକ୍ରାନ୍ତ ହୋଇଥିବାର ସୂଚନା ମିଳିଅଛି . ସୂଚନା ଅନୁସାରେ ଗତକାଲି ନୂଆଗାଁ ବିଡ଼ିଓ କରୋନା ପଜିଟିଭ ହୋଇଥିବା ସମ୍ପର୍କରେ ରିପୋର୍ଟ ଆସିଥିଲା . ତିନି ଦିନ ଆଗରୁ ବ୍ଲକ ଆଉ ଜଣେ ଷ୍ଟାଫ ଙ୍କୁ କରୋନା ହୋଇଥିବାର ସୂଚନା ମିଳିଥିଲା l ବ୍ଲକ କର୍ମଚାରୀ ଏବଂ ବିଡ଼ିଓ କରୋନା ଆକ୍ରାନ୍ତ ବୋଲି ଜାଣିବା ପରେ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଭୟ ଖେଳି ଯାଇଛି . ବିଭିନ୍ନ କାମ ନେଇ ବ୍ଲକ କାର୍ଯ୍ୟାଳୟକୁ ଯାଇଥିବା ସାଧାରଣ ଲୋକେ ତଥା ନିର୍ବାଚିତ ପ୍ରତିନିଧି ମାନେ ଆଶଙ୍କା ମଧ୍ୟରେ ରହିଛନ୍ତି .
