ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ସୋମବାର ଅପରାହ୍ନରେ ବାଲୁଗାଁ ଥାନା ବଡ଼କୁଳ ନିକଟସ୍ଥ ବୋରିଆ ସାହି ଗ୍ରାମରେ ଘଟିଛି ଏକ ଅଭାବନୀୟ ଘଟଣା । ଅଗ୍ନିକାଣ୍ଡରେ ଜଳି ଯାଇଛି ଲକ୍ଷାଧିକ ଟଙ୍କା ମୂଲ୍ୟର ଆସବାବପତ୍ର । ଖବର ପାଇ ବାଣପୁର ଅଗ୍ନିଶମ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତ୍ତ କରି ନେଇଥିଲେ । ଘଟଣାରୁ ପ୍ରକାଶ ଯେ ବୋରିଆସାହି ଗ୍ରାମର ନୀଳକଣ୍ଠ ବେହେରାଙ୍କ ଚାଳ ଘରେ ବିଦ୍ୟୁତ୍ ସଟ୍ ସର୍କିଟ ଯୋଗୁ ହଠାତ୍ ନିଆଁ ଲାଗିଯାଇଥିଲା । ନିଆଁ ର ପ୍ରଭାବ ଏପରି ଥିଲାଯେ ତାକୁ ଆୟତ କରିବା କଷ୍ଟକର ଥିଲା । ଫଳରେ ଗୋଟିଏ ବଖରା ଘର ସମେତ ବହୁ ଆସବାବପତ୍ର ଜଳି ପୋଡ଼ି ପାଉଁଶ ହୋଇଯାଇଥିଲା । ସଙ୍ଗେ ସଙ୍ଗେ ଖବର ପାଇ ବାଣପୁର ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେବି ସେତେବେଳକୁ ଗୋଟିଏ ବଖରା ପୋଡି ଯାଇଥିଲା । ତେବେ ନୀଳକଣ୍ଠ ଜଣେ ଗରିବ ଶ୍ରେଣୀର ବ୍ୟକ୍ତି ହୋଇଥିବାରୁ ତାଙ୍କୁ ସରକାରୀ ସହାୟତା ପ୍ରଦାନ ପାଇଁ ସାଧାରଣରେ ଦାବି ହେଉଛି ।
