ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ଚଳିତ ମାସ ୧୮ ଓ ୧୯ ତାରିଖରେ ଜାତୀୟ ସବ ଜୁନିଅର କରାଟେ ଚମ୍ପିୟାନସିପ ଦିଲ୍ଲୀର ତାଲକୋତରା ଇଣ୍ଡୋର ଷ୍ଟାଡିଅମରେ ଅନୁଷ୍ଠିତ ହୋଇଯାଇଛି l ଏଥିରେ ଓଡିଶାରୁ ୭୦ ଜଣ ବାଳକ ଓ ବାଳିକା ପ୍ରତିଯୋଗିତା ରେ ଅଂଶ ଗ୍ରହଣ କରିଥିଲେ l ଓଡିଶା ଦଳ ୮ ଟି ସ୍ଵର୍ଣ ୮ ଟି ରୋପ୍ୟ ଓ ୧୩ ଟି କାଂସ୍ୟ ପଦକ ଜିତିବାର ଗୌରବ ହାସଲ କରିଥିବାବେଳେ ଖୋର୍ଦ୍ଧା ଜିଲ୍ଲା ବାଲୁଗାଁ ଉତ୍କଳ କରାଟେ ସ୍କୁଲର କରାଟେକ ଦିବ୍ୟାଙ୍ଗନା ସାମନ୍ତରାୟ ଦଶ ବର୍ଷ ବାଳିକା ୨୫କେଜି କମ ଫାଇଟିଙ୍ଗ ବର୍ଗରେ କାଁସ୍ୟ ପଦକ ହାସଲ କରିଛନ୍ତି l ସେ ଏକମାତ୍ର ପ୍ରତିଯୋଗୀ ଖୋର୍ଦ୍ଧା ଜିଲ୍ଲାରୁ ମନୋନୀତ ହୋଇଥିଲେ ଏବଂ ଏହାଥିଲା ତାଙ୍କର ପ୍ରଥମ ଜାତୀୟ ପ୍ରତିଯୋଗିତା l ଦିବ୍ୟାଙ୍ଗନା ସେନ ସେଇ ଦୀପକ କୁମାର ସାମନ୍ତରାୟଙ୍କ ନିକଟରେ ପ୍ରଶିକ୍ଷଣ ଗ୍ରହଣକରି ଏହି କୃତିତ୍ୱ ପାଇ ବେଶ ପ୍ରଶଂସା ସାଉଁଟିଛନ୍ତି l ରାଜ୍ୟ କରାଟେ ସଙ୍ଘର ସଭାପତି ହାନସି ଡ଼କ୍ଟର ହରି ପ୍ରସାଦ ପଟ୍ଟନାୟକ ଓ ସମ୍ପାଦକ ଡକ୍ଟର ଗୌରୀ ମହାନ୍ତି, ପରିବାର ବର୍ଗ, ସାଥିରେ ପଢ଼ୁଥିବା ଛାତ୍ରଛାତ୍ରୀ ଓ ଶିକ୍ଷକ ତାଙ୍କୁ ଶୁଭେଛl ଜଣାଇଛନ୍ତି l
