ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : ସାରୁଅ ଶିଳ୍ପାଞ୍ଚଳର ତୈଳ କମ୍ପାନୀରେ ଅଗ୍ନିକାଣ୍ଡ ! ବେଗୁନିଆ ସାରୁଅସ୍ଥିତ ଶିଳ୍ପାଞ୍ଚଳରେ ଭୟାବହ ଅଗ୍ନିକାଣ୍ଡ । ୟୁନିଭର୍ସାଲ ଇନଫ୍ରା ପ୍ରାଇଭେଟ୍ ଲିମିଟେଡ ତୈଳ କମ୍ପାନୀରେ ଭୟାବହ ଅଗ୍ନିକାଣ୍ଡ ଘଟିଥିବା ସୂଚନା । ଆଜି ଦିନ ପ୍ରାୟ ଗୋଟାଏ ବେଳେ ସାରୁଅ ଶିଳ୍ପାଞ୍ଚଳର ରିଫାଇନ୍ ତେଲ ଫ୍ୟାକ୍ଟ୍ରିର ଗୋଦାମ ଘରେ ନିଆଁ ଲାଗିଯାଇଥିଲା । ତେବେ ସେଠାରେ ଥିବା କର୍ମଚାରୀ ମାନେ ନିଆଁକୁ ଆୟତ୍ତ କରିବା ସହିତ ଖୋର୍ଦ୍ଧା ଅଗ୍ନିଶମ ବିଭାଗକୁ ଫୋନ କରିଥିଲେ । ଖବର ପାଇ ଖୋର୍ଦ୍ଧା ଏବଂ ବେଗୁନିଆରୁ ତିନୋଟି ଦମକଳ ଗାଡ଼ି ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଏକ କାର୍ଟୁନ ରଖାଯାଇଥିବା ଘରେ ପ୍ରଥମେ ନିଆଁ ଲାଗିଥିବା ସନ୍ଦେହ କରାଯାଉଛି । ତେବେ କେତେ ପରିମାଣରେ କ୍ଷୟକ୍ଷତି ହୋଇଛି ତାହା ଜଣା ପଡ଼ିନାହିଁ । ତୈଳ କମ୍ପାନୀର କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ସହିତ ଅନ୍ୟାନ୍ୟ ସାମଗ୍ରୀ ପୋଡ଼ି ଯାଇଛି ।
