ସେଞ୍ଚୁରିଅନ୍ ବିଶ୍ୱବିଦ୍ୟାଳୟରେ ୟୋଗୋତଶବ -୨୦୨୪ !!!

ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ସେଞ୍ଚୁରିଅନ୍ ବିଶ୍ୱବିଦ୍ୟାଳୟ, ଓଡ଼ିଶା ଏବଂ ମୋରାର୍ଜୀ ଦେଶାଇ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଯୋଗ, ଆୟୁଷ୍ ମନ୍ତ୍ରଣାଳୟ, ଭାରତ ସରକାରଙ୍କ ସହଯୋଗରେ ପାରଳାଖେମୁଣ୍ଡିରେ “ୟୋଗୋତଶବ -୨୦୨୪” ପାଳନ କରିଛି । ଯୋଗ ଆନ୍ତର୍ଜାତୀୟ ଦିବସ ଉପଲକ୍ଷେ କେନ୍ଦ୍ର ମନ୍ତ୍ରଣାଳୟ ଦ୍ଵାରା ଆରମ୍ଭ କରାଯାଇଥିବା ୧୦୦ଦିନ, ୧୦୦ସହର, ୧୦୦ଆନୁସ୍ତନର ଏହା ୩୩ଦିନ ରେ ଆନୁଷ୍ଠିତ ହୋଇଛି । ପାରଳାଖେମୁଣ୍ଡି ସ୍ତିତ ସେଞ୍ଚୁରିଅନ୍ ବିଶ୍ୱବିଦ୍ୟାଳୟରେ ସକାଳ ୬.୦୦ରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରର ପ୍ରଥମ ଅଧିବେଶନ ସାଧାରଣ ଯୋଗର ବ୍ୟବହାରିକ ସମ୍ପର୍କରେ ଥିଲା | ମୁଖ୍ୟ ଅତିଥି ଭାବେ ଜାତୀୟ ସ୍ୱାସ୍ଥ୍ୟ ମିଶନ (NHM) ର ଜିଲ୍ଲା କାର୍ଯ୍ୟକ୍ରମ ପରିଚାଳକ ଶ୍ରୀମତୀ ସୋମିଆ ରାନୀ ଗୌଡା, ଓଡ଼ିଶାର ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ରେଜିଷ୍ଟ୍ରାର୍ ପ୍ରଫେସର ଅନୀତା ପାଟ୍ର, ଏବଂ ନିର୍ଦ୍ଦେଶକ ପ୍ରଶାସନ, ପାରଳାଖେମୁଣ୍ଡି କ୍ୟାମ୍ପସ୍ ଡକ୍ଟର ଦୁର୍ଗା ପ୍ରସାଦ ପାଢୀ, ପ୍ରଦୀପ ପ୍ରଜ୍ଜ୍ୱଳନ ସହିତ ପ୍ରଭାତ କାର୍ଯ୍ୟକ୍ରମ ଆରମ୍ଭ କରିଥିଲେ | ମୁଖ୍ୟ ଅତିଥି ଯୋଗ ଅଭ୍ୟାସକାରୀଙ୍କୁ ଏକ ସୁସ୍ଥ ଜୀବନଶଇଲୀ ଏବଂ ସଠିକ ସମୟ ପରିଚାଳନା ପାଇଁ ଉତ୍ସାହିତ କରିଥିଲେ । ଏହି କାର୍ଯ୍ୟକ୍ରମର ସଂଯୋଜକ ପ୍ରଦିପ କୁମାର ସାହୁ ଏବଂ 500 ରୁ ଅଧିକ ଅଂଶଗ୍ରହଣକାରୀଙ୍କ ଦ୍ୱାରା ସାଧାରଣ ଯୋଗ ସହିତ ଅଧିବେଶନ ଜାରି ରହିଥିଲା ଯେଉଁଥିରେ କଲେଜ ଛାତ୍ର, ଆୟୁଷ ଯୋଗ ପ୍ରଶିକ୍ଷକ, ଏନସିସି, ଏନଏସଏସ, ଅଙ୍ଗନୱାଡି କର୍ମୀ, ଆଶା କର୍ମୀ ଏବଂ ସାଧାରଣ ଯୋଗ ଅଭ୍ୟାସକାରୀ ରହିଥିଲେ। । ଏହି କାର୍ଯ୍ୟକ୍ରମରେ ସେଞ୍ଚୁରିଅନ୍ ଯୋଗ କ୍ଲବ ଏବଂ ପୁରୀର ଶ୍ରୀ ଜଗନ୍ନାଥ ଯୋଗ ଏକାଡେମୀ ଛାତ୍ରମାନଙ୍କ ଦ୍ୱାରା ଆର୍ଟିଷ୍ଟିକ୍ ଯୋଗ ପ୍ରଦର୍ଶନ ସମସ୍ତଙ୍କୁ ଆକର୍ଷିତ କରିଥିଲା | ଯୋଗର ବିକାଶ ତଥା ପ୍ରୋତ୍ସାହନ ଦିଗରେ ଯୋଗ କ୍ଷେତ୍ରରେ ଆଦର୍ଶ ଅବଦାନ ପାଇଁ 4 ଯୋଗ ଗୁରୁଙ୍କୁ ଯୋଗ ବୃନ୍ଦ ପୁରସ୍କାର ୨୦୨୪ ପ୍ରଦାନ କରାଯାଇଥିଲା | ପ୍ରଫେସର ପ୍ରଫୁଲ୍ଲ କୁମାର ପଣ୍ଡା, ପ୍ରଫେସର ବାଲାଜୀ ପାଦୀ, ପ୍ରଫେସର ଜୟେନ୍ଦ୍ର କୁମାର ମିଶ୍ର ଏବଂ ପ୍ରଫେସର ପ୍ରଦୀପ କୁମାର ସାହୁ ।
ଦିନର ଦ୍ୱିତୀୟ ଅଧିବେଶନରେ ଆୟୁଷ ମନ୍ତ୍ରଣାଳୟର ମୋରଜୀ ଦେଶାଇ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଯୋଗର ପୂର୍ବତନ ନିର୍ଦ୍ଦେଶକ ଡ। ଇଶ୍ୱର ଭି. ବାସଭାରାଡି; ସଓଏ ବିଶ୍ୱବିଦ୍ୟାଳୟ ମାନବିକତା ବିଭାଗର ପ୍ରଫେସର ଡ. ସ୍ୱୟମ ପ୍ରଭାସ ଶତପଥୀ ଏବଂ ଶ୍ରୀ ଶ୍ରୀ ବିଶ୍ୱବିଦ୍ୟାଳୟ ସ୍ଥାପତ୍ୟ ବିଦ୍ୟାଳୟର ସହକାରୀ ପ୍ରଫେସର ଏଆର ରୁପାଲ ଶାହା, ମୁଖ୍ୟ ବକ୍ତା ଭାବେ ବକ୍ତବ୍ୟ ପ୍ରଦାନ କରିଥିଲେ ।