ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ହରିପୁର ଠାରେ ନିର୍ବାଚନୀ ସଭାରେ ଯୋଗଦେଲେ ଭି କେ ପାଣ୍ଡିଆନ ! ସୁକିନ୍ଦା ବ୍ଲକ ଅନ୍ତର୍ଗତ ହରିପୁର କଲେଜ ପଡ଼ିଆରେ ବିଜେଡିର ନିର୍ବାଚନୀ ସଭା ଅନୁଷ୍ଠିତ ହୋଇଯାଇଛି । ଏହି ବିଶେଷ କାର୍ଯ୍ୟକ୍ରମରେ ଭି.କେ. ପାଣ୍ଡିଆନ ଯୋଗଦେଇ ନବୀନ ପଟ୍ଟନାୟକଙ୍କ ସରକାର କଥାରେ ନୁହେଁ କାମରେ ବିଶ୍ୱାସ କରେ ବୋଲି ମତବ୍ୟକ୍ତ କରିଥିଲେ । ନବୀନ ପଟ୍ଟନାୟକ ସାଧାରଣ ଲୋକଙ୍କ ପାଇଁ କରିଥିବା ବିଭିନ୍ନ ଲୋକାଭିମୁଖୀ ଯୋଜନା ପାଇଁ ଗତ ୫ ଥର ମୁଖ୍ୟମନ୍ତ୍ରୀ ହୋଇ ସାରିଥିବା ବେଳେ ଆସନ୍ତା ସାଧାରଣ ନିର୍ବାଚନରେ ସାଧାରଣ ଜନତାଙ୍କ ଆଶୀର୍ବାଦରେ ପୁଣି ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ହେବାପାଇଁ ଯାଉଥିବା ଶ୍ରୀ ପାଣ୍ଡିଆନ କହିଥିଲେ । ଏକ ସମୃଦ୍ଧ ଓଡିଶା ଗଢି ତୋଳିବା ମୁଖ୍ୟମନ୍ତ୍ରୀଙ୍କ ଲକ୍ଷ , ଏହି ଲକ୍ଷ୍ୟ ପୁରଣ କରିବା ପାଇଁ ଆସନ୍ତା ନିର୍ବାଚନରେ ସୁକିନ୍ଦା ବିଧାନସଭା ଆସନ ପାଇଁ ପ୍ରିତିରଞ୍ଜନ ଘଡ଼ାଇ ଓ ଯାଜପୁର ଲୋକସଭା ଆସନ ପାଇଁ ଶର୍ମିଷ୍ଠା ସେଠୀଙ୍କୁ ଶଙ୍ଖ ଚିହ୍ନରେ ଭୋଟ ଦେବାକୁ ନିବେଦନ କରିଥିଲେ ।
