ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ବ୍ଲକର ମାଳ ଅଧୁଷିତ ନୀଳାଦ୍ରିପ୍ରସାଦ ପଞ୍ଚାୟତ ର ଖାରିଆ ପଲ୍ଲୀ ଗ୍ରାମରେ ଘଟିଛି ବଡ଼ ଦୁଃଖଦ ଘଟଣା । ଜଣେ ୮୦ ବର୍ଷର ବୃଦ୍ଧା ଏକାକୀ ଝାଟିମାଟି ଥିବା କାନ୍ଥ ଘରେ ରହୁଥିବା ବେଳେ । ଗୁରୁବାର ରାତି ତମାମ ବର୍ଷା ଲାଗିରହିଥିଲା । ବର୍ଷାର ପାଣି ମାଟି କାନ୍ଥରେ ପଡିବା ଦ୍ୱାରା ମାଟି କାନ୍ଥଟି ତରଳି ଭୁଶୁଡି ଯାଇଥିଲା । ଯାହା ଫଳରେ ମାଟି କାନ୍ଥ ଟି ଲେଉଟି ଯିବାରେ କାନ୍ଥ ତଳେ ବୃଦ୍ଧା ଜଣକ ଚାପିହୋଇ ମୃତ୍ୟ ବରଣ କରିଥିଲେ। ମୃତ ବୃଦ୍ଧା ଜଣକ ହେଲେ ଶ୍ରୀମତୀ ଶବର (୮୦)ବର୍ଷ । ରାତିରେ ବୃଦ୍ଧା ଙ୍କ ଘରଟି ଭୁଶୁଡିବା ବେଳେ ଶବ୍ଦ ହୋଇଥି ଲେବି ହାତୀ ଆସିଥିବା ଭୟରେ ଘର ପାଖରେ ଥିବା ଲୋକ ମାନେ ଘରୁ ବାହାରି ନଥିଲେ । ସକାଳ ପାଇବା ପରେ ଦେଖିଥିଲେ ବୃଦ୍ଧାଙ୍କ ଘରର କାନ୍ଥ ଭୁଶୁଡି ଯାଇଛି । ସେହି ମାଟି କାନ୍ଥ ତଳେ ବୃଦ୍ଧା ଚାପି ହୋଇ ରହିଥିବା ବେଳେ ଘଟଣା ସମ୍ପର୍କରେ ଖବରପାଇ ବାଣପୁର ଅଗ୍ନିଶମ ବିଭାଗ ପହଞ୍ଚି ବୃଦ୍ଧାଙ୍କ ମୃତଦେହ ଉଦ୍ଧାର କରିଛି । ତେବେ ଏ ସମ୍ପର୍କ ରେ ପୋଲିସ ଅଭିଯୋଗ ପାଇବା ପରେ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।।
