ସାଲେପୁର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ବାଣ ଭିଡୁଥିବା ବେଳେ ଘଟିଲା ଅଘଟଣ , ବାଣ ଫୁଟି ଜଣେ ଗୁରୁତର । ଏଭଳି ଅଭାବନୀୟ ଘଟଣା ଘଟିଛି ସାଲେପୁର ଥାନା ଜିଗ୍ନିପୁର ଠାରେ। ପର୍ଶୁରାମ ବେହେରା ନାମକ ବ୍ୟକ୍ତି ଏକ ଗୁହାଳ ଘରେ ବେଆଇନ ବାଣ ତିଆରି କରୁଥିବା ବେଳେ , ବାଣ ଭିଡୁଥିବା ରବିନ୍ଦ୍ର ଦଳେଇ ଗୁରୁତର ଆହତ ହୋଇ କଟକ ମେଡିକାଲରେ ଚିକିତ୍ସାଧୀନ ଥିବା ସୂଚନା ମିଳିଛି । ଘଟଣା ସ୍ଥଳରେ କଟକ ଜିଲ୍ଲା ଗ୍ରାମାଞ୍ଚଳ ଅତିରିକ୍ତ ଏସପି ପହଞ୍ଚି ତଦନ୍ତ ଚଳାଇଛନ୍ତି । ଘଟଣା ସ୍ଥଳରୁ ବେଆଇନ ବାରୁଦ ସହ ବାଣ ତିଆରି ପାଇଁ ବ୍ୟବହୃତ ସାମଗ୍ରୀ ଜବତ ହୋଇଥିବା ସୂଚନା ମିଳିଛି । ବାଣ ତିଆରି କରୁଥିବା ସମୟରେ ବିଡ଼ି ନିଆଁରୁ ଏଭଳି ବିସ୍ଫୋରଣ ଘଟିଥିବା ଯାହା ଅନୁମାନ କରାଯାଉଛି । ଘଟଣାରେ ସାଲେପୁର ଥାନାରେ ଏକ କେଶ ହେବା ସହ ଯେଉଁମାନଙ୍କ ସମ୍ପୃକ୍ତି ଅଛି ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଗ୍ରାମାଞ୍ଚଳ ଅତିରିକ୍ତ ଏସପି ସୂଚନା ଦେଇଛନ୍ତି ।
