!!! ସ୍ୱୟଂ ସହାୟକ ଗୋଷ୍ଠି ମାନଙ୍କୁ ପାଞ୍ଚ କୋଟି ପଞ୍ଚାବନ ଲକ୍ଷ ଟଙ୍କା ଋଣ ବଣ୍ଟନ କରାଗଲା !!!
ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ପଞ୍ଚାୟତ ନିର୍ଵାଚନ ପାଖେଇ ଆସୁଥିବା ବେଳେ ସରକାର ଓ ବିରୋଧୀ ଭୋଟରଙ୍କୁ ଆକୃଷ୍ଟ କରିବାରେ ଲାଗି ପଡିଛନ୍ତି । ନିର୍ବାଚନ ପୂର୍ବରୁ ବାଣପୁର ପଞ୍ଚାୟତ ସମିତି ଓ ମିଶନ ଶକ୍ତି ଆନୁକୂଲ୍ୟରେ ଆଜି ମହିଳା ମାନଙ୍କୁ ସଶକ୍ତ କରିବା ଲକ୍ଷ୍ୟରେ ବିଭିନ୍ନ ପଞ୍ଚାୟତର ସ୍ୱୟଂ ସହାୟକ ଗୋଷ୍ଠି ମାନଙ୍କୁ ନେଇ ବାଣପୁର ପଲଟଣ ପଡିଆ ଠାରେ ଏକ ଋଣ ମେଳା ଅନୁଷ୍ଠିତ ହୋଇଯାଇଛି । ଏହି ମେଳାରେ ପ୍ରାୟ ୧୬୭ ଟି ମହିଳା ସହାୟକ ଗୋଷ୍ଠୀ ଙ୍କୁ ୫ କୋଟି ୫୫ ଲକ୍ଷ ଟଙ୍କାର ଋଣ ଚିଲିକା ବିଧାୟକ ପ୍ରଶାନ୍ତ ଜଗଦେବ ଏବଂ ବି ଡି ଓ ପ୍ରଦ୍ୟୁମ୍ନ ନାୟକଙ୍କ ଉପସ୍ଥିତିରେ ବ୍ୟାଙ୍କ ଚେକ ମାଧ୍ୟମରେ ବଣ୍ଟନ କରାଯାଇଛି । ବିଧାୟକ ଜଗଦେବ, ଏହି ଋଣ ମେଳା ଅନୁଷ୍ଠିତ ହୋଇ ମହିଳା ମାନଙ୍କୁ ଋଣ ଦେବା ଦ୍ୱାରା ମହିଳା ମାନେ ଆତ୍ମ ନିର୍ଭରଶୀଳ ହୋଇ ପରିବାର ପ୍ରତିପୋଷଣ କରିପାରିବେ ଏବଂ ରାଜ୍ୟର ମା’ ମାନଙ୍କୁ ଆଉ ଘର କୋଣରେ ନ ରଖି ପୁରୁଷ ମାନଙ୍କ ଭଳି ରୋଜଗାର କ୍ଷମ କରିବା ମାନ୍ୟବର ମୁଖ୍ୟମନ୍ତ୍ରୀଙ୍କ ପ୍ରଥମ ଲକ୍ଷ ବୋଲି ଅଭିଭାଷଣ ଦେବା ସହ ଗଣମାଧ୍ୟମ ପ୍ରତିନିଧି ମାନଙ୍କୁ କହିଥିଲେ । ଉକ୍ତ କାର୍ଯ୍ୟକ୍ରମକୁ ଓଏଲଏମ ଶିବସୁନ୍ଦର ଜାଲି , ବି ପି ସି ରଶ୍ମିତା ଇନ୍ଦ୍ରଜିତ, ବିଏଲସି ଗୋପାଳ ବେହେରା, ଏସ ଡି ସି ପୁନମ ପ୍ରୀତମ ହୋତା ସୁଚାରୁ ରୁପେ ପରିଚାଳନା କରିଥିଲେ ।
