ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ସରସ୍ୱତୀ ଶିଶୁ ମନ୍ଦିର ସୁନ୍ଦରିଖାଲ ପରିସରରେ ବିଶ୍ୱ ଯକ୍ଷ୍ମା ଦିବସ ପାଳିତ ହୋଇଯାଇଛି । ବିଦ୍ୟାମନ୍ଦିର ପ୍ରଧାନ ଆଚାର୍ଯ୍ୟ କନକଲତା ପ୍ରଧାନ ଙ୍କ ପୌରହିତ୍ୟରେ ଆୟୋଜିତ କାର୍ଯ୍ୟକ୍ରମରେ ଜୀବ ବିଜ୍ଞାନ ଆଚାର୍ଯ୍ୟ ପ୍ରଦୀପ ଦାସ, ବିଜ୍ଞାନ ଶିକ୍ଷୟତ୍ରୀ ଗୀତାଞ୍ଜଳି ସାହୁ , ଏନସିସି ଦାୟିତ୍ୱରେ ଥିବା ଇଂରାଜୀ ଆଚାର୍ଯ୍ୟ ରଞ୍ଜିତ ବେହେରା ପ୍ରମୁଖ ଉପସ୍ଥିତ ରହିଥିଲେ ।
ପ୍ରଦୀପ ଗୁରୁଜୀଙ୍କ ଦ୍ୱାରା ଯକ୍ଷ୍ମା ର ବ୍ୟାପକତା, ଲକ୍ଷଣ, ଟୀକାକରଣ ବିଷୟରେ ପିଲାମାନଙ୍କୁ ବିସ୍ତୃତ ଭାବେ ତଥ୍ୟ ପ୍ରଦାନ କରାଯାଇଥିଲା । ଅତିଥି ମାନେ ଆଜିର ଦିବସ ବିଷୟରେ ପିଲାମାନଙ୍କୁ ସଚେତନ କରାଇବା ସହ ପିଲାମାନେ ଏହି ବିଷୟରେ ସଚେତନ ହେବା ସହିତ ସମାଜରେ ଏହାର କିପରି ସଚେତନତା ସୃଷ୍ଟି କରିବେ ସେ ସମ୍ବନ୍ଧରେ ମତ ରଖିଥିଲେ । ଏନସିସି ଶିକ୍ଷକ ଧନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟର ଏନସିସି କ୍ୟାଡଟ ମାନଙ୍କ ସହ ଅନ୍ୟ ପିଲାମାନେ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ ।
