କନ୍ଧମାଳ ( ଆୱାଜ଼ ମିଡ଼ିଆ ) – ସଞ୍ଜୟ କୁମାର ପାଣିଗ୍ରାହୀ : କନ୍ଧମାଳ ଜିଲ୍ଲାରେ ଏ ମଧ୍ୟରେ ଆଉ ୧୦ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆଜିର ୧୦ଜଣ ପଜିଟିଭ ଆକ୍ରାନ୍ତଙ୍କୁ ମିଶାଇ ଏ ଯାଏ ୪୩ ଜଣ କରୋନା ପଜିଟିଭ ଚିହ୍ନଟ ହୋଇଥିବା ପ୍ରଶାସନ ସୁତ୍ରରୁ ଜଣାପଡିଛି । ଫଳରେ ପ୍ରଶାସନର ଚିନ୍ତା ବଢିଯାଇଛି । ଫୁଲବାଣୀ ସହରରୁ ୩ ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଟିକାବାଲିରୁ ଜଣେ, ଚକାପାଦରୁ ୩ ଜଣ, ରାଇକିଆରୁ ୨ ଜଣ ଏବଂ ଜଣେ ସିଆରପିଏଫ ଜବାନ କରୋନା ପଜିଟିଭ ଚିହ୍ନଟ ହୋଇଥିବାର ସୂଚନା ମିଳିଛି । ବର୍ତ୍ତମାନ ସୁଧା ଦ୍ୱିତୀୟ ପର୍ଯ୍ୟାୟରେ ମୋଟ ୪୩ ଜଣ କରୋନା ପଜିଟିଭ ଚିହ୍ନଟ ହୋଇଥିବା ସ୍ଵାସ୍ଥ୍ୟ ବିଭାଗ ସୁତ୍ରରୁ ଜଣାପଡିଛି । କରୋନା ପୁଣି କାୟା ବିସ୍ତାର କରି ଚାଲିଥିବାରୁ ପ୍ରଶାସନ ପକ୍ଷରୁ ମାସ୍କ ଚେକିଙ୍ଗ ଓ ସାମାଜିକ ଦୂରତା ଉପରେ ଗୁରୁତ୍ଵ ଦିଆଯାଉଛି । ଏ ନେଇ ପୋଲିସ ଓ ପ୍ରଶାସନ ତରଫରୁ ଲୋକଙ୍କୁ ମାସ୍କ ପିନ୍ଧିବା, ସାମାଜିକ ଦୂରତା ବଜାୟ ରଖିବା, ହାତ ବାରମ୍ବାର ଧୋଇ ସଫା ରଖିବା ନେଇ ସଚେତନତା କାର୍ଯ୍ୟ ମଧ୍ୟ କରାଯାଉଛି l
