ନୟାଗଡ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ନୟାଗଡ ଜିଲ୍ଲା ଭାପୁର ବ୍ଲକ ତହସିଲଦାରଙ୍କ ଦବଙ୍ଗଗିରୀ । ଜୋସ୍ନାରାଣୀ ନାଥ ନାମକ ଜଣେ ମହିଳାଙ୍କ ଉପରେ ଭାପୁର ତହସିଲଦାର ଦବଙ୍ଗଗିରୀ ଦେଖିଥିବା ଅଭିଯୋଗ ହୋଇଛି । ସୂଚନା ଅନୁସାରେ ଗତ ବାରବର୍ଷ ତଳେ ଭାପୁରର ରାସ୍ତା କଡ଼ରେ ଜୋସ୍ନାରାଣୀ ଯାଗା କିଣିଥିଲେ । ଏବେ ସେଠାରେ ଘର କରିବା ନିମନ୍ତେ ଆନୁସଙ୍ଗିକ ଜିନିସପତ୍ର ଆଣି ଘରକାମ ଆରମ୍ଭ କରିଥିବା ବେଳେ ତହସିଲଦାର ତୃପ୍ତି ମହାନ୍ତି ନିଜର ଦବଙ୍ଗଗିରୀ ଦେଖାଇଛନ୍ତି । ସରକାରୀ ଜାଗା କହି ଘର ଉପରେ JCB ଚଢ଼ାଇଥିଲେ । ଅସହାୟ ମହିଳା ଜୋସ୍ନାରାଣୀ ତହସିଲଦାରଙ୍କୁ ଯେତେ କାକୁତିମିନତି ହୋଇଥିଲେ ମଧ୍ୟ ତାଙ୍କୁ କିଛି ଫରକ ପଡ଼ିନଥିଲା । ସେହି ଯାଗା ଉପରେ ସରକାରୀ ଫଲକ ମାରିବା ସହ ଯଦି ମହିଳା ରାଜି ହୁଅନ୍ତି ତେବେ ଏହି ଯାଗା ବଦଳରେ ଅନ୍ୟତ୍ର 4 ଡିସିମିଲ୍ ଯାଗା ପ୍ରଦାନ କରାଯିବ, ଏବଂ ସେଠାରେ ଘର କରି ରହିବ ବୋଲି କହି ଚାଲିଯାଇଥିଲେ ତହସିଲଦାର । ପରେ ଜୋସ୍ନାରାଣୀ ତହସିଲ ଫାଟକରେ ମୁଣ୍ଡ ବାଡେଇ କାନ୍ଦିଲେବି କେହି ଶୁଣୁନାହାନ୍ତି ବୋଲି ସେ ଅଭିଯୋଗ କରିଛନ୍ତି । ନିଜ ପୁଅ ଝିଅକୁ ଧରି ଏକ ଭଡାଘରେ ରହୁଥିବା ବେଳେ ପ୍ରଶାସନ ତାଙ୍କୁ ନ୍ୟାୟ ପ୍ରଦାନ କରିବାକୁ ଦାବି କରିଛନ୍ତି ଜୋସ୍ନାରାଣୀ ।
