ନୟାଗଡ଼ ( ଆୱାଜ ମିଡ଼ିଆ ) – କିଶୋର ମହାପାତ୍ର : କେନ୍ଦ୍ର ସରକାରଙ୍କ ଅର୍ଥ ବିନିଯୋଗରେ ଅନୁଧ୍ୟାନ ପାଇଁ ନୟାଗଡ଼ ଜିଲ୍ଲା ଭାପୁର ବ୍ଲକ ରେ କେନ୍ଦ୍ରୀୟ ଟିମ । ଦୁଇ ଜଣିଆ କେନ୍ଦ୍ରୀୟ ଟିମ ଭାପୁର ବ୍ଲକ ର ବିଭିନ୍ନ ସ୍ଥାନ ବୁଲି ତଦାରଖ କରିଛନ୍ତି । କେନ୍ଦ୍ର ସରକାରଙ୍କ ମୋ ପୋଖରୀ ଓ ମୋ କୂଅ , ମୋ ଖେଳ ପଡିଆ ଯୋଜନାରେ ଆସିଥିବା ଅର୍ଥର କିପରି ବିନିଯୋଗ ହୋଇଛି ସେ ସମ୍ପର୍କରେ ବୁଲି ତଦାରଖ କରିଥିଲେ କେନ୍ଦ୍ରୀୟ ଟିମ। ଏସମ୍ପର୍କରେ ଭାପୁର ବିଡ଼ିଓ ସତ୍ୟସୁନ୍ଦର ରାଉତ , ସହକାରୀ ନିର୍ବାହୀ ଯନ୍ତ୍ରୀ ବରିହା, କନିଷ୍ଠଯନ୍ତ୍ରୀ ଅର୍ଦ୍ଧେନ୍ଦୁ ଷଡ଼ଙ୍ଗୀ, କେଶବ ଚନ୍ଦ୍ର ଦଳେଇ , ସି.ପି . ଦାଶରଥି ମିଶ୍ର ଙ୍କ ସହିତ ଆଲୋଚନା କରିଥିଲେ। କେନ୍ଦ୍ରୀୟ ଟିମ୍ ଭାପୁର ବ୍ଲକର ବଡସରା, ଶାଳପଡା, କେନ୍ଦୁପଲ୍ଲୀ ପଞ୍ଚାୟତ ର ବିଭିନ୍ନ ପ୍ରକଳ୍ପ ପରିଦର୍ଶନ କରିବାସହ ପ୍ରକଳ୍ପ ଗୁଡ଼ିକର ଉନ୍ନତିକରଣ ସମ୍ପର୍କରେ ସମୀକ୍ଷା କରିଥିଲେ ।
