ଯାଜପୁର ( ଆୱାଜ ମିଡ଼ିଆ ) – ଆଦିତ୍ୟ ମହାନ୍ତି : ଆସନ୍ତାକାଲି ଠାରୁ ଯାଜପୁର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ନବଦିନାତ୍ମକ ବିଜୟା ରଥଯାତ୍ରା ଅନୁଷ୍ଠିତ ହେବ । ଯାହାକୁ ନେଇ ଚଳଞ୍ଚଳ ହୋଇଉଠିଛି ଯାଜପୁର ବିରଜା କ୍ଷେତ୍ର । କରୋନା ମହାମାରୀ ସମୟରେ ମା ଙ୍କ ବିଜୟା ରଥଯାତ୍ରା କୁ ନେଇ ସମସ୍ତଙ୍କ ମନରେ ଆଶା ଆଶଙ୍କା ଥିବା ବେଳେ ମା ଙ୍କ ରଥଯାତ୍ରା ପାଇଁ ଅନୁମତି ମିଳିଛି । ରାଜ୍ୟ ସରକାରଙ୍କ କୋଭିଡ଼ ଗାଇଡ଼ ଲାଇନକୁ ମାନି ରଥଯାତ୍ରା ଅନୁଷ୍ଠିତ ହେବ। ରଥଯାତ୍ରାରେ ନିୟୋଜିତ ସମସ୍ତ ସେବାୟତ ଏବଂ ପୁଲିସ କର୍ମଚାରୀଙ୍କର କୋଭିଡ ଟେଷ୍ଟ ହେବ । ସେବାୟତ ଏବଂ ପୁଲିସ କର୍ମଚାରୀଙ୍କର 3ଟି ପର୍ଯ୍ୟାୟରେ କୋଭିଡ ଟେଷ୍ଟ ହେବ । ତେବେ ସେବାୟତ ମାନଙ୍କର ଆଜି ପ୍ରଥମ ପର୍ଯ୍ୟାୟ କୋଭିଡ ଟେଷ୍ଟ ଆରମ୍ଭ ହୋଇଛି । ବିରଜା କଲ୍ୟାଣ ମଣ୍ଡପ ଠାରେ ପାଖାପାଖି 250 ସେବାୟତଙ୍କର ହେବ କୋଭିଡ ଟେଷ୍ଟ କରାଯିବାକୁ ବ୍ୟବସ୍ଥା କରାଯାଇଛି । ସାମାଜିକ ଦୂରତା ରକ୍ଷା କରି ଏହି ଟେଷ୍ଟ କରାଯାଇଛି ।
