ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ତିର୍ତ୍ତୋଲ ଏବଂ ବାଲେଶ୍ଵର ସଦର ଉପ ନିର୍ବାଚନରେ ବାଜିମାତ କରିଛି ବିଜୁ ଜନତା ଦଳ । ଦଳର ଦୁଇ ପ୍ରାର୍ଥୀ ବିଜୟ ହାସଲ କରିଥିବାରୁ ଗଜପତି ଜିଲ୍ଲା ବିଜୁ ଜନତା ଦଳ ପକ୍ଷରୁ ବିଜୟ ଦିବସ ପାଳନ କରାଯାଇଛି । ଏହି ଦୁଇଟି ଆସନରେ ନିର୍ବାଚନର ଫଳାଫଳ ମୁଖ୍ୟମନ୍ତ୍ରୀ ଙ୍କର ଭାବମୂର୍ତ୍ତି ଏବଂ ତାଙ୍କ ଶାସନରେ ଲୋକପ୍ରିୟତା ପ୍ରକାଶ ପାଇଛି। ବିଜେଡ଼ିର ବିଜୟ ଖବର ପ୍ରସାରିତ ହେବା ପରେ ଦଳୀୟ କର୍ମୀମାନେ ଏକତ୍ରିତ ହୋଇ ଉତ୍ସବ ପାଳନ କରିଛନ୍ତି । ଏହି ବିଜୟ ଉତ୍ସବରେ ଗଜପତି ଜିଲ୍ଲା ବିଜେଡି ସଭାପତିଙ୍କ ନେତୃତ୍ୱରେ ହାଇସ୍କୁଲ ଠାରେ ଥିବା ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବିଜେଡି ଯୁବ ସଭାପତି s ଲିଙ୍ଗରାଜ, ବିଜେଡି ନଗର ସଭାପତି ସୂର୍ଯ୍ୟ ନାରାୟଣ ରାଜଗୁରୁ, ବରିଷ୍ଠ ବିଜେଡି ନେତା ବସନ୍ତ ଦାସଙ୍କ ସମେତ ବହୁ ଦଳୀୟ କର୍ମୀ ଉପସ୍ଥିତ ଥିଲେ ।
