ଅନୁଗୁଳ ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : କଣିହାଁ ବ୍ଲକ ଓ୍ବେବ୍ ମିଡ଼ିଆର ସାମ୍ବାଦିକ ମାନଙ୍କୁ ନେଇ ସମଲ ବ୍ୟାରେଜ ସ୍ଥିତ ଚକ୍ରଶୀଳା ମନ୍ଦିର ପ୍ରାଙ୍ଗଣରେ ଏକ ବୈଠକ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମ ଆରମ୍ଭରୁ ମୃତ୍ୟୁ ବରଣ କରିଥିବା ସାମ୍ବାଦିକ ମାନଙ୍କ ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ଏଥିରେ ସର୍ବସମ୍ମତି କ୍ରମେ ହର୍ଷ ମହାନ୍ତିଙ୍କୁ ସଭାପତି, ଅଶ୍ଵିନୀ କୁମାର ଦେବତାଙ୍କୁ ସମ୍ପାଦକ, ଦିବ୍ୟଲୋଚନ ନାଏକଙ୍କୁ ଉପସଭାପତି ଏବଂ ଯୀଶୁକ୍ରିଷ୍ଣ ବିଶ୍ବାଳଙ୍କୁ କୋଷାଧ୍ୟକ୍ଷ ରୂପେ ଚୟନ କରାଗଲା । ଏଥିରେ ସାମ୍ବାଦିକ ମାନଙ୍କ ସୁରକ୍ଷା, ଶିଳ୍ପ ସଂସ୍ଥାମାନଙ୍କ ଅବହେଳା ଓ ଗରିବ ଲୋକମାନଙ୍କୁ ତାଙ୍କ ହକ୍ ଦେବା ନିମନ୍ତେ ଆଲୋଚନା କରାଗଲା । ସର୍ବ ସମ୍ମତି କ୍ରମେ ଏହି ସାମ୍ବାଦିକ ବୈଠକରେ ସଂଘର ନାମ “କଣିହାଁ ଆକ୍ଟିଭ ମିଡିଆ” ନାମରେ ନାମିତ କରାଗଲା ।
