ଯାଜପୁର ( ଆୱାଜ ମିଡ଼ିଆ ) – ଆଦିତ୍ୟ ମହାନ୍ତି : ଯାଜପୁର ଜିଲ୍ଲା ଧର୍ମଶାଳା ସବ୍ ରେଜିଷ୍ଟ୍ରାର କାର୍ଯ୍ୟାଳୟର କନିଷ୍ଠ କିରାଣୀଙ୍କ ଘରେ ଭିଜିଲାନ୍ସ ଚଢାଉ । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ସମ୍ପୃକ୍ତ କିରାଣୀଙ୍କ ଘରେ ଭିଜିଲାନସ ଚଢାଉ ହୋଇଥିବାର ସୂଚନା ମିଳିଛି । କିରାଣୀଙ୍କ ନିଜସ୍ୱ ଗାଁ ଚାହଟା ଘରୁ ପାଖାପାଖି ୮ଲକ୍ଷରୁ ଅଧିକ ଟଙ୍କା ସହ ସୁନା ଓ ରୂପା ଅଳଙ୍କାର ଜବତ ହୋଇଛି । ଏହାସହ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ମିଳିଥିବାର ସୂଚନା ଦେଇଛନ୍ତି ଭିଜିଲାନସ ଅଧିକାରୀ . ଯାଜପୁର ଜିଲ୍ଲା ଧର୍ମଶାଳା ସବ୍ରେଜିଷ୍ଟାର ଅଫିସର କିରାଣୀ ରତ୍ନାକର ମହାନ୍ତିଙ୍କ ବାସଭବନ ସମେତ ୭ଟି ସ୍ଥାନରେ ଚଢାଉ ଜାରି ରହିଛି । ଖବର ଅନୁଯାୟୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କିରାଣୀ ରତ୍ନାକରଣ ମହାନ୍ତିଙ୍କ ଘରେ ରେଡ୍ ହୋଇଛି । ଏକାସାଙ୍ଗରେ ବାସଭବନ ସମେତ ୭ଟି ସ୍ଥାନରେ ଚଢାଉ ଜାରି ରହିଛି । ତେବେ ଚଢାଉରେ ନଗଦ ୯ ଲକ୍ଷ ଟଙ୍କା ୩୦୦ ଗ୍ରାମର ସୁନା ସହ ବହୁ ଗୁରୁତ୍ୱପୁର୍ଣ କାଗଜ ପତ୍ର ଜବତ କରିଛି ଭିଜିଲାନ୍ସ ଟିମ୍ । ଭିଜିଲାନ୍ସ DSP ସୁରେନ୍ଦ୍ର କୁମାର ରାୟଗୁରୁଙ୍କ ନେତୃତ୍ୱରେ ବିଭିନ୍ନ ସ୍ଥାନରେ ଚଢାଉ ଜାରି ରହିଥିବା ବେଳେ ଆଗାମୀ ସମୟରେ ଆହୁରି ବହୁ ଗୁରୁତ୍ୱପୁର୍ଣ ତଥ୍ୟ ମିଳିବ ବୋଲି ଭିଜିଲାନ୍ସ ପକ୍ଷରୁ ସୂଚନା ଦିଆଯାଇଛି ।
