ନୟାଗଡ଼ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ ଜିଲ୍ଲା ଓଡଗାଁ ବ୍ଲକ ରାବେରା ଶାସନର ସୀତାରାମ ଚୌଧୁରୀ . ପେଶାରେ ଜଣେ କଳାକାର , ଉଚ୍ଚ କୋଟୀର ଏକକ ଅଭିନେତା .
ତିରିଶ ପ୍ରକାର ସ୍ୱରରେ ଚମତ୍କାର ଅଭିନୟ କରିପାରନ୍ତି l ବୟସ ଆସି ୭୫ ଛୁଇଁଲାଣି l ନିଜ ଅଭିନୟ ପରିବେଷଣ କରି ମେଣ୍ଟାଇଥାନ୍ତି ଗୁଜୁରାଣ . ହେଲେ ମହାମାରୀ କରୋନା ଛଡାଇ ନେଇଛି ଜୀବିକା . ସରକାରଙ୍କ କଳାକାର ଭତ୍ତା ପାଉଛନ୍ତି l କିନ୍ତୁ ତାହା ସମୁଦ୍ରକୁ ଶଂଖେ l ବିହାର, ଛତିଶଗଡ଼ ସମେତ ଓଡିଶାର ଅନେକ ସ୍କୁଲ, କଲେଜ ଯାଇ ନିଜର ଏକକ ଅଭିନୟ ଦ୍ଵାରା କଳା ପରିବେଷଣ କରି ଭଲ ଦି ପଇସା ରୋଜଗାର କରିପାରୁଥିଲେ, କିନ୍ତୁ ଆଜି କରୋନା ମହାମାରୀ ଯୋଗୁଁ ସୀତାରାମ ଚୌଧୁରୀଙ୍କ ଅବସ୍ଥା ହୋଇ ପଡିଛି ଦୁସ୍ଥ , କଷ୍ଟ ଯନ୍ତ୍ରଣାରେ ବିତୁଛି ଜୀବନ l କିଛି ସାହାଯ୍ୟ ଆଶାକରି କଳାକାର ସୀତାରାମ ନୂଆଗାଁ ବ୍ଲକ କାପ୍ତପଲ୍ଲୀ ପଞ୍ଚାୟତକୁ ଆସି ସରପଞ୍ଚ, ସମିତିସଭ୍ୟଙ୍କୁ ଭେଟିଥିଲେ . କାପ୍ତପଲ୍ଲୀ ପଞ୍ଚାୟତର ସରପଞ୍ଚ , ସମିତିସଭ୍ୟ ଏବଂ ଅନ୍ୟ କେତେକ ସାମାଜିକ କର୍ମୀ ତାଙ୍କୁ ସହାୟତା କରିଥିଲେ ମଧ୍ୟ ମଞ୍ଚରେ କଳା ପରିବେଷଣ ନକଲେ ତାଙ୍କର କଷ୍ଟ ଦୂର ହେବ ନାହିଁ ବୋଲି କ୍ଷୋଭଭରା କାନ୍ଥରେ ପ୍ରକାଶ କରିଛନ୍ତି ସୀତାରାମ .
